ҶДММ «Ширкати тиҷоратии Сайёд» истихроҷи ангиштро ба 30 ҳазор тонна мерасонад
ДУШАНБЕ, 22.09.2017 /АМИТ «Ховар»/. ҶДММ «Ширкати тиҷоратии Сайёд» дар асоси Қарори Ҳукумати Ҷумҳурии Тоҷикистон «Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2017-2018» зиёда аз 15 ҳазор тонна ангишт истихроҷ намуда, ба аҳолии ҷумҳурӣ пешкаш намудааст. Масъулини корхона ният доранд, ки то оғози мавсими зимистон истихроҷи ангиштро ба 30 ҳазор тонна расонанд.
Дар ин бора ба хабарнигори АМИТ «Ховар» директори ҶДММ «Ширкати тиҷоратии Сайёд» Сафарбек Назаров иттилоъ дод.
Ба иттилои манбаъ, ширкат барои дар сатҳи баланд паси сар намудани давраи тирамоҳу зимистони солҳои 2017-2018 бо 150 корхонаю муассисаҳои буҷавии шаҳри Ваҳдат шартнома баста, аз 1200 тонна ангишт, ки талаботи шаҳри Ваҳдат мебошад, зиёда аз 90 фоизи онро ба ташкилоту муассисаҳои буҷавӣ ворид намудааст. Инчунин ширкати мазкур барои таъмини аҳолӣ бо ангишти хушсифат бо соҳибкорони инфиродӣ шартнома баста, тариқи онҳо қисме аз сокинони шаҳру ноҳияҳои тобеи марказ, минтақаи Рашт ва вилояти Хатлонро бо ангишт таъмин мекунанд.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
