Футболбозони навраси тоҷик бозиҳои марҳилаи интихобии Чемпионати Осиё-2018-ро бо ғалаба оғоз карданд
ДУШАНБЕ, 21.09.2017. /АМИТ «Ховар»/. Дар доираи бозиҳои марҳилаи интихобии Чемпионати Осиё-2018 дастаи футболи мунтахаби наврасони то 16-солаи Точикистон бозии якуми худро дар гурӯҳи «В» бо ғалаба оғоз намуд. Тавре аз Федератсияи футболи Тоҷикистон ба АМИТ «Ховар» иттилоъ доданд, футболбозони ҷавони мо бо ҳамсолони худ аз дастаи футболи мунтахаби Сурия дар Варзишгоҳи марказии шаҳри Ҳисор рақобат намуда, онҳоро бо ҳисоби 2:0 шикаст доданд. Голҳоро Эмомалӣ Аҳмадхон ва Ислом Зоиров ба ҳадаф расониданд.
Ёдовар мешавем, ки дар даври дуюм дастаи мунтахаби Тоҷикистон бо дастаи Малдив 22 сентябр вомехӯрад. Ин дидор соати 19:00 шурӯъ мешавад.
Бояд зикр кард, ки дар бозии дигари ҳамин гурӯҳ дастаи мунтахаби Уммон бар дастаи Малдив бо ҳисоби калони 8:0 ғолиб омад.
Хотиррасон менамоем, ки ба даври ниҳоии Чемпионати Осиё, ки аз 20 сентябр то 7 октябри соли 2018 дар Малайзия сурат мегирад, ғолибони 10 гурӯҳ ва 5 дастае, ки дар гурӯҳҳояшон соҳиби мақоми дуюм мешаванд, роҳхат мегиранд.
Дар деҳаи Себистони ноҳияи Данғара майдончаи варзишӣ ба истифода дода шуд
Дастаи мунтахаби Тоҷикистон оид ба футбол дар раддабандии нави ФИФА мақоми 101-умро соҳиб гардид
Дар Бадахшон лигаи волейбол байни мардон оғоз гардид
Дастаи мунтахаби Тоҷикистон оид ба футбол дар бозии дӯстона тими миллии Ҳиндустонро мағлуб кард
Варзишгар аз Тоҷикистон Абдулмаҷид Кудиев дар Узбекистон медали тиллоро сазовор шуд
ФУТБОЛ. Дастаи олимпии Тоҷикистон (U-23) бо ҳамсолони худ аз Чин бозиҳои дӯстона баргузор мекунад
Ғолибони Чемпионати Осиё оид ба бокс қадрдонӣ карда шуданд
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
