Хабарнигорони Арабистони Саудӣ оид ба мавзеъҳои зебоманзари Тоҷикистон филм ба навор мегиранд

Сентябрь 28, 2017 09:59

ДУШАНБЕ, 28.09.2017 /АМИТ «Ховар»/. Чор нафар хабарнигорони Арабистони Саудӣ тасмим гирифтаанд, ки дар бораи шаҳрҳои бостонии Тоҷикистон, мероси бои таърихию фарҳангӣ ва мавзеъҳои зебоманзари он, аз қабили қуллаҳои осмонбӯси Помир, дараҳои зебоманзари Варзобу Ромит, Балҷувон, қалъаи Ҳисор, кӯлҳои «Сарез», «Ҳафткӯл» ва  «Искандаркӯл», пиряхҳову чашмаҳои мусаффои Тоҷикистон, истироҳатгоҳҳо ва обҳои шифобахш, мавзеъҳои беҳтарини шикор ва амсоли онҳо филм ба навор гирифта, имкониятҳои сайёҳии Тоҷикистонро  миёни ҷаҳониён ташвиқу тарғиб намоянд.

Ба иттилои Кумитаи рушди сайёҳии назди Ҳукумати Ҷумҳурии Тоҷикистон, ин тадбир бо мақсади татбиқи босамари сиёсати давлатии соҳаи сайёҳии Ҷумҳурии Тоҷикистон, дастгирии сайёҳии дохиливу хориҷӣ ва ҷалби бештари сайёҳон бо ташаббуси Сафорати Ҷумҳурии Тоҷикистон дар Арабистони Саудӣ гирифта шудааст.

Тавре қаблан иттилоъ дода будем, дар айни ҳол намояндагони ширкатҳои сайёҳии Аврупо, Амороти Муттаҳидаи Араб, Арабистони Саудӣ, Кувайт, Россия ва Қазоқистон бо мақсади шиносоӣ бо имкониятҳои сайёҳии Ҷумҳурии Тоҷикистон ва ташвиқу таблиғи он дар Тоҷикистон қарор доранд.

Ба иттилои манбаъ, намояндагони ширкатҳои сайёҳии ин давлатҳо имрӯз ба самти шаҳри Панҷакент равон гардиданд. «Меҳмонон аллакай аз шаҳри Душанбе, Дарвоз, қалъаи Ҳисор, «Искандаркӯл» дидан намуданд. Дар назар аст, ки онҳо аз ноҳияҳои Восеъ, Данғара, Варзоб ва шаҳри Норак низ боздид намоянд»,- зикр намуд манбаъ.

Хабарнигорони Арабистони Сауди1 Хабарнигорони Арабистони Сауди2

 

 

Сентябрь 28, 2017 09:59

Хабарҳои дигари ин бахш

Бахшида ба Рӯзи Президент дар пойтахт хатсайрҳои сайёҳии маърифатӣ ташкил карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
Дар Фестивали сайёҳӣ дар Покистон ҳунарҳои мардумӣ ва дастовардҳои Тоҷикистон муаррифӣ гардиданд
Доир ба ҳолати пиряхҳои Тоҷикистон дар шароити тағйирёбии иқлим машғулияти илмӣ баргузор шуд
Дар нуҳ моҳи соли 2026 ба Тоҷикистон беш аз 1,5 миллион сайёҳ ташриф оварданд
Дар намоишгоҳи «WTM London – 2026» дастовардҳои илмии Донишгоҳи байналмилалии сайёҳӣ ва соҳибкории Тоҷикистон муаррифӣ шуданд
Ҳайати Тоҷикистон дар Намоишгоҳи байналмилалии сайёҳии WTM дар Лондон иштирок дорад
Иқтидорҳои сайёҳии Тоҷикистон дар Намоишгоҳи байналмилалии сайёҳии «World Travel Market — 2026» дар шаҳри Лондон муаррифӣ мешаванд
Дар нуҳ моҳи соли 2026 беш аз 15 ҳазор аъзои иттифоқи касаба ба солимгардонӣ фаро гирифта шуданд
«БАРНОМАИ РУШДИ МИНТАҚАИ САЙЁҲИИ РОҒУН». Дар доираи амали он роҳҳо мумфарш, хатсайрҳои сайёҳӣ зиёд ва инфрасохтори хизматрасонӣ беҳтар карда шуд
Имкониятҳои сайёҳии Тоҷикистон ба гардишгарони ҳавзаи Шурои ҳамкории кишварҳои арабии Халиҷ муаррифӣ гардиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд