Истиқболи ҳайати Рӯзҳои фарҳанги Россия дар Тоҷикистон
ДУШАНБЕ, 25.09.2017. /АМИТ «Ховар»/. Дирӯз, 24 сентябр ҳайати расмӣ ва эҷодии Рӯзҳои фарҳанги Федератсияи Россия дар Ҷумҳурии Тоҷикистон бо роҳбарии муовини Вазири фарҳанги Федератсияи Россия Сергей Абривалин ба Тоҷикистон омаданд.
Меҳмононро дар Фурудгоҳи байналмилалии Душанбе муовини Вазири фарҳанги Ҷумҳурии Тоҷикистон Музаффар Давлатзода пешвоз гирифт.
Бино ба иттилои маркази матбуоти Вазорати фарҳанги Ҷумҳурии Тоҷикистон, Музаффар Давлатзода меҳмононро дар ҳайати беш аз 50 нафар ба кишвари меҳмондӯсти Тоҷикистон хайрамақдам гуфта, иброз дошт, ки халқи тоҷик ҳамеша баргузории Рӯзҳои фарҳанги Тоҷикистонро дар Россия ва Россияро дар Тоҷикистон бесаброна интизор мешаванд.
«Мардумони тоҷику русро риштаҳои дӯстӣ ва муносибатҳои фарҳангӣ, ки таърихи тӯлонӣ дорад, ба ҳам мепайванданд. Баргузории Рӯзҳои фарҳанг, ки ба ҳукми анъана даромадаанд, муносибатҳои фарҳангии ду кишварро тақвият медиҳанд ва ба ғанигардонии фазои фарҳангӣ мусоидат мекунанд»,- иброз дошт Музаффар Давлатзода.
Боиси зикр аст, ки Рӯзҳои фарҳанги Федератсияи Россия дар Ҷумҳурии Тоҷикистон аз 24 то 27 сентябри соли 2017 доир гардида, дар доираи он баргузории барномаҳои консертӣ бо иштироки Ансамбли давлатии академии рақсии «Алан» ва Триои Консерваторияи Москва, ташкили намоиши «Русский север» дар шаҳри Душанбе ва сафари ҳунарии иштирокчиён ба шаҳри Қӯрғонтеппа ва Хуҷанд дар назар аст.
Ҳайати Тоҷикистон дар Форуми 7-уми байналмилалии «Муколамаи байнифарҳангӣ» дар Боку иштирок намуд
«ГАНҶИНАИ ТАЪРИХ ВА ФАРҲАНГИ ТОҶИКОН». Таҳти ин унвон дар Тоҷикистон озмуни ҷумҳуриявӣ оғоз мегардад
Дар Тоҷикистон Фестивали VIII байналмилалии театрҳои лӯхтак «Чодари хаёл» ҷамъбаст гардид
Оид ба омӯзиши Панҷакенти қадим конференсияи илмӣ баргузор мешавад
Дар Хоруғ муассисаҳои соҳаи фарҳанг навсозӣ мешаванд
Муовини Вазири фарҳанг ва иршоди исломии Эрон дар Осорхонаи миллӣ бо тамаддуни бостонии тоҷикон шинос шуд
Гирандагони Шоҳҷоизаи Озмуни ҷумҳуриявии «Тоҷикистон – Ватани азизи ман» дар соли 2026 муайян гардиданд
Маросими ҷоизасупорӣ ба ғолибони Озмуни ҷумҳуриявии «Тоҷикистон–Ватани азизи ман» оғоз гардид
Феҳристи ёдгориҳои Намоиши байналмилалии «Тоҷикистон- кишвари ёдгориҳои нодир» таҳия гардид
Имрӯз маросими ҷоизасупории Озмуни ҷумҳуриявии «Тоҷикистон–Ватани азизи ман» баргузор мегардад
«КИТОБИ ДУШАНБЕ». Дар намоишгоҳи байналмилалӣ беш аз ду ҳазор номгӯй китоб пешниҳод гардид
Намояндагони Тоҷикистон дар Италия Нигористони Боргезеро тамошо намуданд
