Мэн Тсзян Чжу: «Чин ва Тоҷикистон ду давлати дӯсту ҳамсоя мебошанд»
ДУШАНБЕ, 28.09.2017 /АМИТ «Ховар»/. Дар доираи баргузории 86-умин Ассамблеяи генералии Интерпол дар шаҳри Пекини Ҷумҳурии Мардумии Чин Вазири корҳои дохилии Ҷумҳурии Тоҷикистон Рамазон Раҳимзода бо Котиби Кумитаи сиёсии ҳуқуқии Бюрои сиёсии Ҳизби коммунистии Ҷумҳурии Мардумии Чин Мэн Тсзян Чжу мулоқот доир намуд. Зимни мулоқот Вазири бехатарии ҷамъиятии Ҷумҳурии Мардумии Чин Го Шенкун низ ҳузур дошт.
Тавре аз Вазорати корҳои дохилӣ хабар доданд, дар ҷараёни мулоқот ҷонибҳо масоили ҳамкориро дар мубориза бо терроризм, экстремизм, сепаратизм ва дигар ҷинояту ҷинояткорӣ мавриди баррасӣ қарор дода, доир ба вазъи сарҳади Афғонистон ва амнияти минтақа ва ҷаҳон ибрози андеша намуданд.
Котиби Кумитаи сиёсии ҳуқуқии Бюрои сиёсии Ҳизби коммунистии Ҷумҳурии Мардумии Чин Мэн Тсзян Чжу изҳор дошт, ки Чин ва Тоҷикистон – ду давлати дӯсту ҳамсоя буда, бо шарофати мусоидати роҳбарони ду давлат муносибатҳо пайваста инкишоф меёбанд. Ҳамзамон мавсуф изҳори умедворӣ намуд, ки сохторҳои Чину Тоҷикистон дар соҳаи ҳуқуқтатбиқкунӣ ва амният заминаҳои ҳамкориро боз ҳам устувор намуда, робитаҳоро дар самтҳои мубориза бар зидди терроризм, идораи ноҳияҳои наздисарҳадӣ ва сохтмони инфрасохтор мустаҳкам менамоянд.
Дар вохӯрӣ ҳамчунин масъалаҳои марбут ба мубориза бар зидди ҷинояткорӣ, роҳҳои пешгирии амалҳои ҷинояткорона ва дар ин самт ба роҳ мондани ҳамкории мутақобилан судманди дуҷониба миёни хадамоти дахлдори ду кишвар, мубодилаи таҷриба, иттилоот ва дигар мавзӯъҳои мавриди таваҷҷуҳ баррасӣ шуданд.
Ба иттилои манбаъ, вохӯрӣ дар фазои дӯстӣ, якдигарфаҳмӣ ва ҳусни тафоҳум анҷом пазируфт.
Дар Ҳисор оид ба кишти саривақтии ғалладонагиҳо машварат доир гардид
Дар ноҳияи Ёвон оид ба таъмини амнияту субот ҳамоиш баргузор шуд
Имрӯз дар водиҳои Тоҷикистон борон меборад
Доир ба пешниҳоди каналҳои коммуникатсионии лоиҳаи «Намоиши коркарди ғайритермалии партовҳои ДДТ дар Осиёи Марказӣ» машварат баргузор гардид
ТААССУРОТИ ХОТИРМОНИ МИНИ-ФУТБОЛ. Дар Душанбе даври ниҳоии Ҷоми Тоҷикистон оид ба футзал баргузор гардид
ОҒОЗИ МАВСИМИ НИҲОЛШИНОНӢ. Дар вилояти Хатлон 600 ҳазор бех дарахти ороишию сояафкан шинонида мешавад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Бахшида ба 31-солагии Ҳизби Халқии Демократии Тоҷикистон дар шаҳри Москва ҳамоиш доир гардид
Имрӯз дар ноҳияҳои алоҳидаи Тоҷикистон туман мефарояд
«Барномаи миёнамуҳлати рушди Ҷумҳурии Тоҷикистон барои солҳои 2021–2025» натиҷагирӣ карда шуд
Дар Академияи миллии илмҳои Тоҷикистон бахшида ба солгарди таъсиси Ҳизби Халқии Демократии Тоҷикистон ҳамоиши илмӣ баргузор гардид
Дар Хадамоти алоқа ба муносибати Рӯзи ҳуқуқи инсон ҳамоиш доир шуд
