Мулоқоти расмӣ ва нишасти матбуотӣ бо ҳайати расмии Рӯзҳои фарҳанги Россия дар Тоҷикистон
ДУШАНБЕ, 25.09.2017. / АМИТ «Ховар»/. Дирӯз, 24 сентябри соли равон дар Китобхонаи миллии Тоҷикистон вохӯрии расмии ҳайати расмии Рӯзҳои фарҳанги Россия дар Тоҷикистон бо иштироки Вазири фарҳанги Ҷумҳурии Тоҷикистон баргузор гардид. Вазири фарҳанги Ҷумҳурии Тоҷикистон Шамсиддин Орумбекзода ва муовини Вазири фарҳанги Федератсияи Россия Сергей Абривалин, ки роҳбарии ҳайати расмии Рӯзҳои фарҳанги Россия дар Тоҷикистонро дар уҳда дорад, оид ба таҳкими минбаъдаи муносибатҳои фарҳангии ду кишвар ва амалигардонии лоиҳаҳои муштарак дар ин соҳа гуфтушунид намуданд.
Сипас, ҳайати расмии Рӯзҳои фарҳанги Федератсияи Россия дар Ҷумҳурии Тоҷикистон аз Китобхонаи миллии Тоҷикистон дидан карданд.
Тавре аз Маркази матбуоти Вазорати фарҳанги ҷумҳурӣ ба хабарнигори АМИТ «Ховар» иттилоъ доданд, баъдан бо иштироки намояндагони воситаҳои ахбори омма нишасти матбуотӣ доир гардид.
Вазири фарҳанги Ҷумҳурии Тоҷикистон Шамсиддин Орумбекзода гуфт, ки муносибатҳои фарҳангии ду кишвар танҳо бо баргузории Рӯзҳои фарҳанг маҳдуд намешаванд, зеро ин муносибатҳо дар сатҳи театрҳо, гурӯҳҳои ҳунарӣ, табодули таҷриба ва омодасозии кадрҳо мунтазам рушд мекунанд.
Муовини Вазири фарҳанги Федератсияи Россия Сергей Абривалин дар тасдиқи сухани Шамсиддин Орумбекзода иброз дошт, ки то ин муддат, ки ба барқароршавии муносибатҳои дипломатии ду кишвар 25 сол пур мешавад, дар соҳаи фарҳанг лоиҳаҳои гуногуни муштараки назаррас амалӣ гардидаанд.
Оид ба таҳаввули мутолиаи китоб дар даврони Истиқлолияти давлатӣ маҳфили адабӣ баргузор гардид
Дар Рӯзи фарҳанги Вилояти Мухтори Кӯҳистони Бадахшон ба сокинони пойтахт ганҷинаи нотакрори ҳунар пешниҳод гардид
«CHAKAN HOUSE». Дар Донишгоҳи давлатии Данғара маркази дӯзандагӣ ифтитоҳ гардид
Имрӯз дар боғҳои шаҳри Душанбе рӯзҳои фарҳанги ВМКБ ва ноҳияи Файзобод баргузор мегарданд
Дар Душанбе рӯзи фарҳанги ноҳияҳои Ишкошим ва Мурғоб баргузор шуд
Имрӯз рӯзҳои фарҳанги шаҳри Хоруғ, ноҳияҳои Ишкошим, Мурғоб ва Роштқалъа баргузор мегарданд
БОЗЁФТИ НОДИР. Сиккаҳои замони Сомониён дар Хутали Қадим кашф гардиданд
Шоири халқии Тоҷикистон Ҳадиса Қурбонова аз олам даргузашт
«САМАРАИ ИСТИҚЛОЛ». Таҳти чунин унвон Иттифоқи журналистони Тоҷикистон озмун эълон менамояд
«ЯК МЕРОС, ДУ САРЗАМИН». Намоиши маҷозии муштараки Тоҷикистон ва Эрон баргузор мегардад
Дар Душанбе рӯзҳои фарҳанги ВМКБ, шаҳри Хоруғ, ноҳияҳои Ишкошим, Мурғоб, Роштқалъа ва Файзобод баргузор мегарданд
Раиси шаҳри Шероз ёдгории таърихию фарҳангии «Қалъаи Ҳисор»-ро тамошо намуд
