Оғози 86-умин Ассамблеяи генералии Интерпол дар шаҳри Пекин
ДУШАНБЕ, 26.09.2017 /АМИТ «Ховар»/. Имрӯз маросими кушодашавии 86-умин Ассамблеяи генералии Интерпол дар шаҳри Пекини Ҷумҳурии Мардумии Чин бо иштироки Раиси Ҷумҳурии Мардумии Чин Си Ҷинпин доир гардид. Дар ин маросим Вазири корҳои дохилии Ҷумҳурии Тоҷикистон Рамазон Раҳимзода иштирок дорад.
Тавре аз Вазорати корҳои дохилии Ҷумҳурии Тоҷикистон хабар доданд, дар маросим раиси Ҷумҳурии Мардумии Чин Си Ҷинпин зимни сухани ифтитоҳӣ зикр кард, ки «ин ҳамоиш ҳамбастагию ҳамкории муштарак ва мубодилаи афкори судмандро оид ба масъалаҳои мубориза бо хатару таҳдидҳои замони муосир фароҳам меоварад».
Сипас, Котиби генералии Интерпол Юрген Шток изҳор дошт, ки чунин ҳамоиши сатҳи баланд метавонад барои муҳокимаи масъалаҳои муҳими ҷаҳонӣ, аз қабили терроризм, экстремизм, сепаратизм ва дигар хатару таҳдидҳои замони муосир мусоидат намуда, ҳамкории кормандони полиси давлатҳои ҷаҳонро тақвият бахшад.
Ба иттилои манбаъ, 86-умин Ассамблеяи генералии Интерпол дар шаҳри Пекини Ҷумҳурии Мардумии Чин то 29 сентябри соли равон идома меёбад.
Имрӯз дар Тоҷикистон ҳавои камабри бебориш пешгӯӣ мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
