ОБУ ҲАВО: аз 28 то 29 сентябр дар ноҳияҳои шимоли кишвар ҳавои ноустувор ва боридани барфу борон пешгӯӣ мешавад
ДУШАНБЕ, 27.09.2017 /АМИТ «Ховар»/. Рӯзҳои 28-29 сентябр дар вилояти Суғд ҳавои ноустувор, дар минтақаҳои ҷанубӣ ва марказии ҷумҳурӣ вазиши боди сахт ва баамалоии чангу ғубор дар назар дошта шудааст. Дар ин бора ба АМИТ «Ховар» аз Агентии обуҳавошиносии Тоҷикистон хабар доданд.
Бино ба иттилои Агентии обуҳавошиносӣ, пастшавии ҳарорат аз 29 сентябр оғоз ёфта, дар водиҳо шабона 4-9, рӯзона 10-15 ва дар ноҳияҳои кӯҳӣ рӯзона то 3-8 дараҷа гарм мешавад.
Имрӯз, 27 сентябр дар ноҳияҳои ҷануби кишвар обуҳавошиносон ҳавои тағйирёбанда пешгӯӣ менамоянд. Ҳарорат дар водиҳо ба 36 дараҷа мерасад. Ҳаво дар шимоли кишвар абрноки бебориш шуда, ҳарорат рӯзона 32 ва дар ноҳияҳои кӯҳӣ 19 дараҷаро ташкил хоҳад дод.
Обуҳавошиносони кишвар пастшавии ҳарорат ва ҳавои абрноки беборишро дар Вилояти Мухтори Кӯҳистони Бадахшон низ пешгӯӣ мекунанд. Дар шарқ ва ғарби вилоят ҳавои тағйирёбандаи ноустувор пешбинӣ шуда, дар ғарби вилоят 22-27 дараҷа гарм мешавад. Дар шарқи вилоят ҳарорат ба 14 дараҷа мерасад.
Дар ноҳияҳои тобеи марказ обуҳавошиносон ҳавои абрнок ва беборишро пешгӯӣ мекунанд. Дар водиҳо ҳарорат рӯзона ба 33 дараҷа мерасад.
Дар шаҳри Душанбе ҳавои тағйирёбандаи абрнок ва бебориш дар назар аст. Ҳарорати ҳаво дар пойтахт 32 дараҷаро ташкил хоҳад дод.
Ба иттилои Агентии обуҳавошиносӣ, 29 сентябр дар ноҳияҳои ҷануб ва марказии кишвар бо сабаби вазиши боди сахт чангу ғубор ба амал меояд.
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
