Шоми имрӯз Рӯзҳои фарҳанги Федератсияи Россия дар Ҷумҳурии Тоҷикистон анҷом меёбанд
ДУШАНБЕ, 26.09.2017 /АМИТ «Ховар»/. Дар доираи Рӯзҳои фарҳанги Федератсияи Россия дар Ҷумҳурии Тоҷикистон як зумра барномаҳои фарҳангӣ баргузор гардиданд.
Тавре аз маркази матбуоти Вазорати фарҳанги Ҷумҳурии Тоҷикистон ба мухбири АМИТ «Ховар» иттилоъ доданд, дар доираи сафари намояндагони Рӯзҳои фарҳанги Федератсияи Россия ба шаҳри Қӯрғонтеппа дар Театри мусиқӣ – мазҳакавии вилоятии ба номи Ато Муҳаммадҷонов консерти Ансамбли давлатии академии рақсии «Алан» баргузор гардид.
Шоми ҳамин рӯз дар доираи барномаҳои фарҳангӣ дар шаҳри Душанбе дар Театри давлатии академии опера ва балети ба номи С. Айнӣ барномаи ҳунарии солистони Театри давлатии академии «Мариин»-и Санкт-Петербург: Виктория Ястребова — Ҳунарпешаи хизматнишондодаи Осетия ва Владимир Серебровский — Ҳунарпешаи хизматнишондодаи Карелия доир шуд.
Рӯзҳои фарҳанги Федератсияи Россия дар Ҷумҳурии Тоҷикистон дар шаҳри Хуҷанд низ идома доранд. Аз ҷумла дар Театри вилоятии мусиқӣ-мазҳакавии ба номи Камоли Хуҷандӣ дар шаҳри Хуҷанд барномаи консертии гурӯҳи созии «Трио»-и Консерваторияи Москва пешкаши ҳаводорони ҳунар гардид.
Пӯшидашавии Рӯзҳои фарҳанги Федератсияи Россия дар Ҷумҳурии Тоҷикистон шоми имрӯз, 26 сентябр, соати 18:00 дар Театри давлатии опера ва балети ба номи С. Айнӣ бо иштироки Ансамбли давлатии академии рақсии «Алан» ва гурӯҳи созии «Трио»-и Консерваторияи Москва» дар назар аст.
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
