ТАҚВИМИ АМИТ «ХОВАР»: Имрӯз 15 сентябр, ҷумъа, 258-умин рӯзи соли 2017 аст. То охири сол 107 рӯзи дигар боқӣ мондааст

Тақвими моро ҳар рӯз дар ин гӯша 

шореҳ Шукӯҳи ДАЛЕР варақ мезанад:

15 сентябри соли 2009 Президенти Ҷумҳурии Тоҷикистон муҳтарам Эмомалӣ Раҳмон дар бораи Соли маориф ва фарҳанги техникӣ эълон намудани соли 2010 фармон имзо карда буданд.

***

8 сол пеш, 15 сентябри соли 2009 Дабири кулли Иттиҳоди байналмилалии нақлиёти автомобилӣ Мартин Марми Президенти Ҷумҳурии Тоҷикистон Эмомалӣ Раҳмонро барои хидматҳои махсусан муҳимашон дар рушди нақлиёт ва боркашонии байналмилалӣ бо Ордени ифтихории Иттиҳоди байналмилалии нақлиёти автомобилӣ сарфароз гардонда буд.

***

Дар ин рӯзи соли 2015 дар Қасри Миллат иҷлосияи навбатии Шӯрои амнияти дастаҷамъии Созмони аҳдномаи амнияти дастаҷамъӣ дар сатҳи олӣ бо иштироки сарони давлатҳои аъзои ин созмон таҳти раёсати Президенти Ҷумҳурии Тоҷикистон Эмомалӣ Раҳмон баргузор гардида буд.

15 СЕНТЯБР ТАҶЛИЛ КАРДА МЕШАВАД:

Рӯзи байналмилалии демократия.

***

Дар Доғистон – Рӯзи муттаҳидии халқҳои Доғистон.

***

Дар Гватемала- Рӯзи истиқлолият.

***

Дар Коста Рика –Рӯзи истиқлолият.

РӮЙДОДҲО:

15 сентябри соли 2009 дар шаҳри Душанбе ҷаласаи 8-уми Кумита оид ба ҳамкории гумрукии барномаи ҳамкории минтақавӣ-иқтисодии Осиёи Марказӣ баргузор гардида буд.

***

6 сол пеш, 15 сентябри соли 2011 китоби «Системаи экологии Тоҷикистон» аз чоп баромад.

 ***

15 сентябри соли 2012 дар пойтахти Тоҷикистон – шаҳри Душанбе маросими супоридани ҷоиза ба ғолибони мусобиқаи «Беҳтарин мол ва хизматрасонии Ҷумҳурии Тоҷикистон» баргузор гардида буд.

***

Дар ин рӯзи соли 1830 дар Англия аввалин роҳи оҳани байналмилалӣ аз Ливерпул ба самти Манчестер кушода шуд.

***

87 сол муқаддам, 15 сентябри соли 1930 дар Испания сензураи воситаҳои ахбори омма бекор карда шуд.

***

15 сентябри соли 1997 домени Google.com ба қайд гирифта шуд.

ИНЧУНИН ДАР ИН РӮЗ…

Соли 1916 аввалин маротиба дар таърихи ҷангҳои ҷаҳонӣ дар амалиёти низомӣ танкҳо истифода шуданд.

***

Соли 1917 аввалин шумораи маҷаллаи «Форбс» (Forbes) –маҷаллаи молиявӣ-иқтисодии Америка, яке аз машҳуртарин нашрияҳои иқтисодӣ дар ҷаҳон аз чоп баромад.