ТАҚВИМИ АМИТ «ХОВАР»: Имрӯз 23 сентябр, шанбе, 266-умин рӯзи соли 2017 аст. То охири сол 99 рӯзи дигар боқӣ мондааст

Тақвими моро ҳар рӯз дар ин гӯша 

шореҳ Шукӯҳи ДАЛЕР варақ мезанад:

23 сентябри соли 2010  дар ИМА Президенти Ҷумҳурии Тоҷикистон Пешвои миллат муҳтарам Эмомалӣ Раҳмон дар мубоҳисаи умумии Иҷлосияи 65-уми Маҷмаи Умумии Созмони Милали Муттаҳид суханронӣ карда буданд.

***

23 сентябри соли 2009  дар шаҳри Душанбе миёни Ҷумҳурии  Тоҷикистон ва Иттиҳоди Аврупо оид ба ҳуқуқи инсон муколама баргузор гардида буд.

***

7 сол пеш, 23 сентябри соли 2010 дар шаҳри Ню-Йорк вохӯрии вазирони корҳои хориҷии Тоҷикистон, Афғонистон, Покистон ва Россия баргузор гардид.

***

23 сентябри соли 2015 бо Қарори Ҳукумати Ҷумҳурии Тоҷикистон муассисаи давлатии «Осорхона-мамнуъгоҳи ҷумҳуриявии ба номи Восеъ» таъсис дода шуд.

***

23 сентябри соли 1989 забони озарӣ дар Озарбойҷон ҳамчун забони давлатӣ эълон карда шуд.

21 СЕНТЯБР ТАҶЛИЛ КАРДА МЕШАВАД:

Иди миллӣ – Рӯзи иттиҳоди Шоҳигарии Арабистони Саудӣ.

***

Иди миллии шикорчиён ва моҳигирони ИМА.

***

Дар Қирғизистон – Рӯзи  забони давлатӣ.

***

Дар Япония – Рӯзи эътидоли шабу рӯзи тирамоҳ.

РӮЙДОДҲО:

23 сентябри соли 2016 дар пойтахти Тоҷикистон – шаҳри Душанбе маросими рӯнамоии Стратегияи ҳамкории Бонки Рушди Осиё ва Тоҷикистон баргузор гардид.

***

23 сентябри соли 1925 Қонун «Дар бораи уҳдадории ҳатмии ҳарбӣ дар Иттиҳоди Шӯравӣ» қабул гардида буд.

***

Дар ин рӯзи соли 1986 Конгресси ИМА гули садбаргро ҳамчун гули миллии кишвар интихоб намуд.

***

25 сентябри соли 1998 Шӯрои Амнияти СММ бо қабул намудани як қарор Ҳукумати Югославияро барои қатъ кардани амалиёти ҳарбӣ дар Косово уҳдадор  кард.

ИНЧУНИН ДАР ИН РӮЗ…

Соли 1894 аввалин иттифоқи касабаи Франсия ташкил карда шудааст.

***

Соли 2008 аввалин нусхаи низоми амалиётии «Android» рӯнамоӣ шудааст.