Дар моҳи апрел Тоҷикистонро чӣ гуна ҳаво интизор аст?
ДУШАНБЕ, 02.04.2026 /АМИТ «Ховар»/. Моҳи апрел дар Тоҷикистон ҳавои тағйирёбанда шуда, дар рӯзҳои алоҳида боридани борон, ба амал омадани раъду барқ ва жола пешгӯӣ мешавад. Ҳавои моҳи апрели имсола ба моҳи апрели соли 2015 шабоҳат дорад. Дар ин хусус АМИТ «Ховар» бо истинод ба Агентии обуҳавошиносии мамлакат хабар медиҳад.
Дар вилояти Хатлон ва водиҳои ноҳияҳои тобеи ҷумҳурӣ ҳарорати миёнаи моҳонаи ҳаво асосан наздик ба меъёри иқлимӣ, дар баъзе ноҳияҳо аз меъёр 1-2 дараҷа баланд дар назар дошта шуда, дар водиҳо 15+21 ва дар доманакӯҳҳо 12+15 дараҷа гармиро ташкил медиҳад. Давоми моҳ шабона аз 6 то 18 дараҷа гарм, рӯзона аз 20 то 35 дараҷа гарм, дар ноҳияҳои доманакӯҳӣ шабона аз 3 то 12 ва рӯзона аз 19 то 29 дараҷа гарм дар назар дошта шудааст. Миқдори моҳонаи бориши атмосферӣ низ дар ҳадди меъёри иқлимӣ, дар баъзе ноҳияҳо аз меъёр зиёд пешгӯӣ мешавад. Давоми моҳ ҳавои тағйирёбанда пешгӯӣ шуда, дар баъзе ҳолатҳо боронҳои шиддатнокиашон гуногун, ба амал омадани раъду барқ ва боридани жола пешгӯӣ мешавад.
Дар водиҳои вилояти Суғд ҳаво то 17 ва дар ноҳияҳои кӯҳӣ то 9 дараҷа гарм мешавад. Дар рӯзҳои алоҳидаи моҳ шабона то 0+5 ва рӯзона то 6+11 дараҷа гарм, дар ноҳияҳои кӯҳӣ шабона то 0-5 дараҷа хунук, рӯзона 3+8 дараҷа гарм дар назар дошта шудааст. Миқдори моҳонаи бориши атмосферӣ аз меъёри иқлимӣ кам, дар баъзе ноҳияҳо аз меъёри иқлимӣ зиёд пешгӯӣ мешавад. Давоми моҳ бориши борон, ба амал омадани раъду барқ ва дар ағбаҳо фаромадани туман пешгӯӣ мешавад.
Дар минтақаҳои кӯҳии ноҳияҳои тобеи ҷумҳурӣ ва ғарби Вилояти Мухтори Кӯҳистони Бадахшон ҳаво 6+13 дараҷа гарм мешавад. Давоми моҳ шабона аз 1 то 9 ва рӯзона аз 11 то 25 дараҷа гармӣ дар назар аст. Дар рӯзҳои алоҳидаи моҳ нишондиҳандаҳои пасти ҳарорати ҳаво пешгӯӣ шуда, шабона аз 2 дараҷа хунук то 3 дараҷа гарм ва рӯзона то 4+9 дараҷа гарм мешавад. Давоми моҳ ҳавои тағйирёбанда дар назар дошта шуда, бориши борон, ба амал омадани раъду барқ, боридани жола ва дар ағбаҳо фаромадани туман пешгӯӣ мешавад.
Дар шарқи Вилояти Мухтори Кӯҳистони Бадахшон ҳаво аз 5 дараҷа хунук то 2 дараҷа гарм мешавад. Давоми моҳ шабона аз 6-11 дараҷа хунук то 1 дараҷа гарм, рӯзона аз 4 то 13 дараҷа гарм мешавад. Инчунин дар рӯзҳои алоҳидаи моҳ шабона то 13-18 дараҷа хунук, рӯзона то аз 1 дараҷа хунук то 4 дараҷа гармӣ дар назар аст. Дар рӯзҳои алоҳида бориши барф, барфи тар ва борон пешгӯӣ мешавад.
АКС: АМИТ «Ховар»
Имрӯз ҷомеаи ҷаҳон Рӯзи ҷаҳонии баҳрҳоро таҷлил менамояд
ПУРСИДЕД, ҶАВОБ МЕДИҲЕМ. Ҳангоми интиқоли маблағ ба кортҳои шахсони ношинос ба чӣ бояд диққат дод?
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
ШЕЪРИ РӮДАКӢ — ПАЁМИ ДОНИШУ ХИРАД ВА НАКӮКОРИЮ ҶАВОНМАРДӢ. Эҳдо ба Рӯзи Рӯдакӣ
«ҲУҶҶАТИ МИЛЛӢ БА НОМИ РӮДАКӢ БОЯД ГИРИФТ…». Ва ё ҳамзабону ҳаммиллати Устод Рӯдакӣ будан шарафи бузург аст
НАҚШ ВА МАҚОМИ УСТОД РӮДАКӢ. Андешаҳо дар ин мавзуъ
ПЕШВОИ МИЛЛАТ — МЕЪМОРИ ИСТИҚЛОЛИ ТОҶИКИСТОН. Мулоҳизаҳо дар ин маврид
21 СЕНТЯБР — РӮЗИ БАЙНАЛМИЛАЛИИ СУЛҲ. Бо ташаббуси Тоҷикистон «Даҳсолаи таҳкими сулҳ ба хотири наслҳои оянда» қабул гардид
ҲИФЗУ ТАЪМИНИ АМНИЯТИ ИТТИЛОТИИ КӮДАКОН ДАР ДУНЁИ РАҚАМӢ. Чӣ гуна амнияти иттилоотии онҳоро таъмин намоем?
ҒИЗОИ СОЛИМ. Хушкмеваҳои Тоҷикистон манбаи бойи витаминҳо, минералҳо, антиоксидантҳо ва нахҳои хӯрокворӣ мебошанд
ЗЕҲНИ СУНЪӢ. Истифодаи оқилонаи он барои рушди иқтисоди рақамии Тоҷикистон имконоти нав фароҳам меорад
«РАВАНДИ ОБИ ДУШАНБЕ». Барои Тоҷикистон ин дастоварди дипломатӣ ва масъулияти бузург аст
