Тоҷикистон ва Чин нахустин шуда Барномаи ҳамкорӣ дар доираи Камарбанди иқтисодии Роҳи абрешимро ба имзо расонданд
ДУШАНБЕ, 01.09.2017 /АМИТ «Ховар»/. Дар доираи сафари давлатии Президенти Ҷумҳурии Тоҷикистон Эмомалӣ Раҳмон ба Ҷумҳурии Мардумии Чин дирӯз, 31 август Барномаи ҳамкорӣ байни Ҷумҳурии Мардумии Чин ва Ҷумҳурии Тоҷикистон ба имзо расид. Барномаи ҳамкорӣ аз ҷониби Вазорати рушди иқтисод ва савдои Ҷумҳурии Тоҷикистон ва Кумитаи давлатӣ оид ба рушд ва ислоҳоти Ҷумҳурии Мардумии Чин таҳия шудааст.
Барномаи мазкур идомаи мантиқии Ёддошти тафоҳум оид ба таҳияи лоиҳаи «Камарбанди иқтисодии Роҳи абрешим» мебошад, ки соли 2014 байни ҶМЧ ва кишварҳое, ки ташаббуси «Як камарбанд, як роҳ»-ро дастгирӣ мекунанд, ба имзо расида буд. Соли 2014 низ Тоҷикистон нахустин шуда, Ёддошти тафоҳумро ба тасвиб расонида буд. Дар Барномаи ҳамкорӣ байни Тоҷикистон ва Чин афзалиятҳо ва самтҳои ҳамкории байни ду кишвари дӯст дар доираи ташаббуси «Камарбанди иқтисодии Роҳи абрешим», инчунин роҳҳои амалӣ кардани ҳамкорӣ муайян карда шудаанд.
Зимни сафари давлатии Президенти Ҷумҳурии Тоҷикистон ҷонибҳо аз баимзорасӣ ва дар амал татбиқ шудани Барномаи ҳамкорӣ байни Ҷумҳурии Тоҷикистон ва Ҷумҳурии Мардумии Чин изҳори қаноатмандӣ намуда, ба мувофиқа расиданд, ки минбаъд низ дастгирии ҳамаҷониба ва иштироки фаъолона дар доираи ташаббуси «Як камарбанд, як роҳ» идома дода шавад.
Ҷонибҳо ба мувофиқа расиданд, ки иҷрои ташаббуси «Як камарбанд, як роҳ» бо «Стратегияи рушди миллии Тоҷикистон барои давраи то соли 2030» дар алоқамандӣ бо ҳамдигар амалӣ карда шавад ва барои рушди якҷояи кишварҳо мусоидат намояд.
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
Ҳайати Ҷумҳурии Тоҷикистон бо иқтидори саноатии вилояти Брест шинос гардид
Дар Қоҳира масъалаҳои таҳкими ҳамкорӣ дар самти таблиғи фарҳанги сулҳ баррасӣ шуданд
Дар Брест ҷаласаи 19-уми Комиссияи байниҳукуматии Тоҷикистону Беларус баргузор гардид
Вазири корҳои хориҷии Тоҷикистон нусхаи эътимодномаи сафири нави Кувайтро қабул намуд
Ҳамкории Тоҷикистон ва Кувайт дар чаҳорчӯби созмонҳои байналмилалӣ баррасӣ шуд
