Вазорати тандурустӣ: бемории зардпарвин дар вилояти Суғд нисбат ба соли гузашта коҳиш ёфтааст
ДУШАНБЕ, 21.09.2017 /АМИТ «Ховар»/. Вазорати тандурустӣ ва ҳифзи иҷтимоии аҳолии Ҷумҳурии Тоҷикистон овозаҳоро вобаста ба доман паҳн намудани бемории зардпарвин дар баъзе аз ноҳияҳои вилояти Суғд мавриди таҳлилу баррасӣ қарор дод.
Ба иттилои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, тибқи омори расмӣ дар 8 моҳи соли 2017 дар ҳудуди шаҳру ноҳияҳои вилояти Суғд ҳамагӣ 1388 ҳодисаи бемории зардпарвини вирусии намуди «А» ба қайд гирифта шудааст, ки ин нишондиҳанда нисбат ба ҳамин давраи соли 2016 281 ҳолат камтар мебошад. Дар ин муддат дар ноҳияҳои Айнӣ-5 ҳолат, Ашт-38 ҳолат, Деваштич-81 ҳолат, Зафаробод-12 ҳолат, Кӯҳистони Мастчоҳ-8 ҳолат, Мастчоҳ- 1 ҳолат, Спитамен-31 ҳолат, Ҷ.Расулов-92 ҳолат, Шаҳристон-39 ҳолат, шаҳри Гулистон-24 ҳолат, Истаравшан-41 ҳолат, Истиқлол-14 ҳолат, Конибодом-105 ҳолат, Панҷакент-75 ҳолати бемории мазкур ба қайд гирифта шудаанд.
Мавриди зикр аст, ки тибқи таҳлил ва мушоҳидаҳои эпидемиологӣ бемории зардпарвини вирусии намуди «А» сирояти мавсимӣ буда, хурӯҷи он асосан ба фасли тобистону тирамоҳ рост меояд. Бақайдгирии ин беморӣ бисёртар дар байни гурӯҳҳои осебпазир (кӯдакони синни томактабию мактабӣ) мушоҳида карда мешавад.
Сабабҳои асосии паҳншавии ин беморӣ, агар аз як тараф гардиши табиии ин намуди вирус дар табиат бошад, аз тарафи дигар риоя нагардидани тозагии шахсӣ аз тарафи аҳолӣ аст.
Ба ин хотир аз ҷониби зерсохторҳои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо мақсади пешгирии пайдоиш ва паҳншавии бемории зардпарвини вирусии намуди «А» корҳои зиддиэпидемикӣ ташкил гардида, ҷиҳати сари вақт анҷом додани тадбирҳои дезинфексионӣ миқдори зарурии маводи безараргардонӣ ҷудо карда шудааст.
Айни ҳол вазъи бемории зардпарвини вирусии намуди «А» дар ҷумҳурӣ мӯътадил буда, он таҳти назорат қарор дорад.
Имрӯз дар баъзе ноҳияҳои алоҳидаи Тоҷикистон туман мефарояд
Имрӯз дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
