Агентии обуҳавошиносӣ: барфи аввал дар шарқи ВМКБ ба қайд гирифта шуда буд
ДУШАНБЕ, 02.10.2017 /АМИТ «Ховар»/. Ба иттилои мутахассисони Агентии обуҳавошиносии Тоҷикистон, ҳавои номусоид дар шимоли кишвар то 7 октябри соли равон идома ёфта, дар баъзе ноҳияҳои ин минтақа бориши борон ва дар баландкӯҳҳо боридани барф дар назар дошта шудааст.
Тавре қаблан аз Агентии обуҳавошиносӣ ба АМИТ «Ховар» хабар дода буданд, рӯзҳои 29-30 сентябри соли равон дар шимоли кишвар аз сабаби номусоидии вазъи боду ҳаво боридани барфу борон пешгӯӣ гардида буд. Ба иттилои манбаъ, бориши барф дар ноҳияҳои Шаҳристон, Деваштич ва шаҳри Истаравшан ба қайд гирифта шуд. Айни ҳол ба гуфтаи обуҳавошиносон, дар баландкӯҳҳои шимоли кишвар боридани барф идома дорад.
Бино ба гузориши бархе аз расонаҳои мустақили кишвар, вазъи номусоиди боду ҳаво дар шимоли мамлакат, аз ҷумла дар ноҳияи Мастчоҳ гӯё сабаби зери тарма мондани 3000 сар чорво ва талаф ёфтани 100 сар гӯсфанд гаштааст. Тавре раиси ноҳияи Мастчоҳ Ҳотамбек Ахмедов ба мухбири АМИТ «Ховар» хабар дод, бар асари номусоидии боду ҳаво ҳангоми ба минтақаи бехавф бурдани рамаи гӯсфандон танҳо 10- 15 сар чорво талаф ёфтааст.
Ёдовар мешавем, ки дар ҳудуди ҷумҳурӣ ин барфи аввал набуда, резиши барфи аввал 15 сентябри соли равон дар шарқи ВМКБ ба қайд гирифта шуда буд.
Имрӯз дар ноҳияҳои алоҳидаи Тоҷикистон туман мефарояд
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
