Ҳайати ҲХДТ дар Фестивали «Рӯзи фарҳанги миллӣ» дар Санк-Петербург иштирок намуд
ДУШАНБЕ, 30.10.2017 /АМИТ«Ховар»/. Тавре қаблан иттилоъ дода будем, як ҳайати ҳизбӣ ҷиҳати вохӯрӣ бо муҳоҷирони меҳнатӣ дар Федератсияи Россия қарор дорад. Аъзои ин ҳайат, ки ба он раиси Ташкилоти ҷамъиятии ҷавонон «Созандагони Ватан», раиси Кумитаи иҷроияи Ҳизби Халқии Демократии Тоҷикистон дар вилояти Хатлон Абдулло Раҳмонзода низ шомил аст, дар Фестивали «Рӯзи фарҳанги миллӣ» иштирок намуда, аз намоиши «Бозори шарқ», ки дар Санкт-Петербург баргузор шуд, дидан намуданд. Пас аз боздиди намоиш бо донишҷӯёни фаъоли тоҷики аъзои Ташкилоти ҷамъиятии минтақавии «Ҷомеаи донишҷӯёни ҷавони тоҷик» (РОО «МОСТ») вохӯрии пурмуҳтаво доир гардид.
Абдулло Раҳмонзода дар вохӯрӣ зикр намуд, ки бо шарофати сиёсати ҷавонпарваронаи Пешвои миллат ҷавонони тоҷик дар хориҷи кишвар ба омӯхтани илму дониши замонавӣ фаро гирифта шудаанд. Мавсуф вобаста ба муҳимтарин таҳаввулот дар ҳаёти иҷтимоии мардуми тоҷик – ворид гардидани тағйиру иловаҳо ба Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» изҳори андеша намуда, иброз дошт, ки маҳз аз ин роҳ мардуми тоҷик аз зери бори нангу номуси дурӯғин раҳо гардида, зиндагии муътадил ва бе зиёдаравию худнамоиро пеш гирифт.
Ин қонун бештар ба манфиати ҷавонон буда, ба онҳо дар пешрафти зиндагӣ ва оғози ҳаёти мустақилона кумаки арзанда мерасонад.
Зимни вохӯрӣ вобаста ба масоили гузариш ба низоми кредитии таҳсил, таҳияи ҷойҳои нави корӣ барои ҷавонон, кушодани намояндагии ТҶҶ «Созандагони Ватан» дар Федератсияи Россия ва мусоидати ТҶҶ «Созандагони Ватан» дар барқарор кардани робитаи Ташкилоти ҷамъиятии минтақавии «Ҷомеаи донишҷӯёни ҷавони тоҷик» бо воситаҳои ахбори оммаи Тоҷикистон ҷиҳати ба ҳамватанон муаррифӣ кардани дастовардҳои донишҷӯён табодули афкор сурат гирифт.
Ҳамзамон аз ҷавонон даъват ба амал оварда шуд, ки дар муқовимат бо ақидаҳои ифротӣ фаъол бошанд ва пеши роҳи гаравидани ҳамсолонашонро ба ҳар гуна ҳизбу ҳаракатҳои ифротӣ гирифта, дар ҳар гуна роҳпаймоиву ҳамоишҳои шубҳаноки ғайрирасмӣ, хусусан дар арафаи чорабиниҳои муҳими сиёсӣ иштирок накунанд.
Дар 86 муассисаи таҳсилоти миёнаи касбии Тоҷикистон аз рӯйи 344 номгӯйи ихтисос мутахассисон омода карда мешаванд
Хиёбони Рӯдакӣ 57: манбаи имкониятҳои рақамӣ дар маркази Душанбе
Имрӯз ҳаво дар водиҳои Тоҷикистон то 44 дараҷа гарм мешавад
Муовини Сарвазири Тоҷикистон бо вазъи соҳаи кишоварзии шаҳри Турсунзода шинос шуд
Дар Хатлон беш аз 2,8 ҳазор қонуншиканӣ дар соҳаи истифодаи нерӯи барқ ошкор шудааст
Филми «Дар талоши ҳақиқат» дар Синамоҷашнвораи байналмилаии давлатҳои аъзои СҲШ бо ҷойзаи махсус қадрдонӣ шуд
Дар Техас шумораи ҳалокшудагон бар асари обхезӣ ба 80 нафар расид
Дар Суғд ба масофаи 665 метр корҳои соҳилмустаҳакамкунӣ анҷом дода шуд
Имрӯз ҳаво дар шаҳри Душанбе то 41 дараҷа гарм мешавад
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
