Ҷаласаи сайёри Кумитаи рушди маҳал дар ноҳияи Тоҷикобод
ДУШАНБЕ, 23.10.2017 /АМИТ «Ховар»/. Дар ноҳияи Тоҷикобод ҷаласаи сайёри ҳайати мушовараи Кумитаи рушди маҳали назди Президенти Ҷумҳурии Тоҷикистон баргузор гардид.
Дар ҷаласа фаъолияти Кумитаи рушди маҳал ва такмили низоми идоракунии маҳаллӣ дар асоси натиҷаи татбиқи Қонуни Ҷумҳурии Тоҷикистон «Дар бораи мақомоти худидоракунии шаҳрак ва деҳот» дар ноҳияи Тоҷикобод мавриди баррасӣ қарор гирифт.
Тавре аз Кумитаи рушди маҳал ба АМИТ «Ховар» хабар доданд, зимни баррасии масъалаи такмили низоми идоракунии маҳаллӣ раиси Кумита Қосим Роҳбар оид ба ҷараёни тадбиқи Қонуни Ҷумҳурии Тоҷикистон «Дар бораи мақомоти худидоракунии шаҳрак ва деҳот» дар ноҳияи Тоҷикобод бо истифода аз лавҳаи намоишӣ ва таҳлилҳои амиқ маълумоти муфассал дода, шахсони масъул ва ваколатдорро ҷиҳати бартараф намудани камбудиҳои ҷойдошта вазифадор намуд.
Қосим Роҳбар ҳамчунин ба масъулин пешниҳод кард, ки ҷиҳати рушди минтақа оид ба истифодаи технологияи пешқадам, бахши манзилию коммуналӣ дар маҳал, ҳамоҳангсозии фаъолияти мақомоти марказӣ ва маҳаллии ҳокимияти давлатӣ дар бораи татбиқи мақсад ва вазифаҳои стратегии рушди маҳал, беҳтар намудани сифати хизматрасонӣ, таҳия намудани тавсияҳо ҷиҳати фаъолгардонии меъёри иқтисодии минтақаҳо, ҷалби дороиҳо ва захираҳои мавҷуда тадбирҳои зарурӣ андешанд.
Ҳамзамон сардори Раёсати кор бо мақомоти маҳаллии Дастгоҳи иҷроияи Президенти Ҷумҳурии Тоҷикистон Ёқуб Исмоилзода оид ба иҷрои дастуру супоришҳои Ҳукумати Ҷумҳурии Тоҷикистон доир ба рушди ноҳия дар самтҳои гуногун ва камбудиҳои ҷойдошта ба масъулини сохторҳои марбута маслиҳатҳои муфид дод.
Хотиррасон менамоем, ки Кумитаи рушди маҳали назди Президенти Ҷумҳурии Тоҷикистон дар ҷамоатҳои ноҳияи Тоҷикобод дар мавзӯъҳои ваколати ҷамоат, шӯрои ҷамоат ва ваколатҳои раиси ҷамоат дар масъалаи танзими идоракунӣ дар маҳал вобаста ба татбиқи Қонуни Ҷумҳурии Тоҷикистон «Дар бораи мақомоти худидоракунии шаҳрак ва деҳот», инчунин «Дастурамали намунавӣ ва коргузорӣ дар мақомоти давлатӣ, ташкилоту муассисаҳо ва корхонаҳо дар Ҷумҳурии Тоҷикистон» дар ҳайати 40 нафар машварати омӯзишӣ гузаронид.
Лӯлаҳои обгузари Ҷамоати деҳоти Боғистони ноҳияи Шаҳринав таъмир мешаванд
Теъдоди бар асари обхезӣ ҳалокшудагон дар Афғонистон аз 300 нафар гузашт
Дар Донишгоҳи давлатии ҳуқуқ, бизнес ва сиёсати Тоҷикистон Форум баргузор шуд
Имрӯз дар Тоҷикистон ҳаво тағйирёбандаи бебориш мешавад
Дар ноҳияи Рашт ҳамоиши гирандагони Стипендияи Президентӣ баргузор гардид
Доир ба ташаккули низоми нави шабакаҳои телевизионӣ дар Тоҷикистон китоб ба нашр расид
Имсол корҳои соҳилмустаҳкамкунӣ ба дарозии беш аз 36 ҳазор метр гузаронида мешаванд
«ТАРАННУМИ ВАТАН». Озмуни ҷумҳуриявӣ ҳисси ватандӯстии ҷавононро тақвият мебахшад
Имрӯз дар Тоҷикистон ҳавои тағйирёбанда пешгӯӣ мешавад
Шаҳбози Аброр раиси нави Ҳизби демократи Тоҷикистон интихоб гардид
СОЛИ МАЪРИФАТИ ҲУҚУҚӢ. Дар «Тоҷикаэронавигатсия» роҳҳои таҳкими волоияти қонун ва маърифати ҳуқуқӣ баррасӣ гардиданд
Ҷаласаи Шурои сиёсии Ҳизби демократи Тоҷикистон баргузор шуд
