Ҳамкории Бонки Рушди АвруОсиё ва Бонки миллии Тоҷикистон дар самти таҳияи барномаҳои рушди иқтисодӣ тақвият меёбад
ДУШАНБЕ, 05.10.2017 /АМИТ «Ховар»/. Масоили рушди ҳамкории дуҷонибаи судманд байни Бонки миллии Тоҷикистон ва Бонки Рушди АвруОсиё зимни мулоқоти муовини якуми раиси Бонки миллии Тоҷикистон Ҷамолиддин Нуралиев ва сариқтисодчӣ, аъзои Раёсати Бонки Рушди АвруОсиё Лисоволик Ярослав мавриди баррасӣ қарор дода шуданд.
Тавре аз Бонки миллии Тоҷикистон хабар доданд, зимни вохӯрӣ ҷонибҳо ба масоили мубрами рӯз, аз ҷумла самтҳои афзалиятноки рушди иқтисодии Ҷумҳурии Тоҷикистон, имкониятҳои ҳамкории Бонки Рушди АвруОсиё ва Бонки миллии Тоҷикистон дар таҳияи барномаҳои рушди иқтисодӣ, шарҳу таҳлилҳо оид ба самтҳои гуногуни иқтисодиёт, ташкили форум, конфронс ва ҷаласаҳои гурӯҳҳои корӣ таваҷҷуҳ зоҳир намуда, барои ба роҳ мондани ҳамкории сифатан нави судманд омодагии худро баён намуданд.
Инчунин иқтисодчии калон, аъзои Раёсати Бонки Рушди АвруОсиё Лисоволик Ярослав оид ба мақсад, вазифа, ҳайати кормандон, шарҳи нашрҳои охирини гурӯҳ ва самтҳои асосии фаъолияти Бонки Рушди АвруОсиё маълумоти мухтасар пешниҳод намуда, аз тавсеа ёфтани ҳамкории дуҷониба дар самтҳои гуногуни иқтисодиёти Ҷумҳурии Тоҷикистон, аз ҷумла низоми бонкӣ изҳори қаноатмандӣ намуд.
Муовини якуми раиси Бонки миллии Тоҷикистон Ҷамолиддин Нуралиев ба ҳамкорӣ дар таҳияи моделҳои макроиқтисодӣ бо мақсади тақвият бахшидани татбиқи сиёсати босамари монетарӣ дар реҷаи нави монетарӣ – ҳадафгирии таваррумӣ, таҳияи моделҳо дар самти ҳадафгирии таваррумӣ, таҳияи моделҳо оид ба омода намудани дурнамои таваррумӣ барои Ҷумҳурии Тоҷикистон, бахусус таҳияи модели эконометрикии DSGE (Dynamic Stochastic General Equilibrium) таваҷҷуҳи махсус зоҳир намуд.
Бино ба иттилои манбаъ, дар вохӯрӣ ҷонибҳо барои тақвият бахшидани ҳамкорӣ дар самти таҳияи моделҳо оид ба дурнамои таваррумӣ, ҳадафгирии таваррумӣ ва самтҳои барои иқтисодиёти Тоҷикистон афзалиятнок ибрози андеша намуда, ҳарду ҷониб омодагии хешро баён намуданд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
