Барқияҳои тасаллият аз сарони як қатор давлатҳо ба Президенти Ҷумҳурии Тоҷикистон Эмомалӣ Раҳмон
ДУШАНБЕ, 09.10.2017 /АМИТ «Ховар»/. Дар робита ба даргузашти Нуриддин Раҳмон-бародари Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз сарони як қатор давлатҳо ва ҳукуматҳои хориҷӣ номаҳои тасаллият ворид гардиданд.
Дар Паёми тасаллияти Амири Давлати Кувайт Сабоҳ ал-Аҳмад ал-Ҷобир ал-Сабоҳ омадааст:
«Муҳтарам Эмомалӣ Раҳмон,
Президенти Ҷумҳурии Тоҷикистон
Ассалому алайкум ва раҳматуллоҳи ва баракотуҳу,,,
Бо андуҳи гарон вафоти бародари гиромиатон Нуриддин Раҳмонро (Худо раҳматаш кунад) қабул намудам.
Ҷаноби Олӣ, самимонатарин таъзия ва ҳамдардии содиқонаи хешро ба Шумо барои ин мусибат арз менамоям ва аз даргоҳи Худои Мутаол масъалат дорам, ки марҳумро мағфират ва дар ҷаннати худ сокин гардонида, ба Шумо ва оилаи муҳтарам сабру шикебоӣ ва ҳусни азодорӣ ато гардонад.
Мо аз Худоем ва ба сӯйи ӯ бармегардем,,,»
Президенти Ҷумҳурии Ӯзбекистон Шавкат Мирзиёев дар номаи тасаллияти худ гуфтааст:
«Муҳтарам Эмомалӣ Шарифович,
Хабари даргузашти бармаҳали бародари калонии Шумо – Нуриддин Раҳмонро бо эҳсоси андӯҳи амиқ дарёфтам.
Хоҳишмандам ҳамдардии амиқи маро дар робита ба талафоти сангине, ки ба сари Шумо ва наздиконатон омад, қабул фармоед».
Президенти Ҷумҳурии Беларус Александр Лукашенко дар номаи тасаллияташ чунин нигоштааст:
“Муҳтарам Эмомалӣ Шарифович,
Хабари марги ногаҳонии бародари калонии Шумо – Нуриддин Раҳмонро бо андӯҳи гарон дарёфтам. Талаф додани шахси наздик ин андӯҳи гарон ва талафоти бебозгашт аст.
Дар ин лаҳзаҳои душвор хоҳишмандам тасаллияти амиқи маро бипазиред, инчунин эҳсоси ҳамдардиро ба наздикону пайвандонатон расонед».
Дар барқияи тасаллияти Президенти Ҷумҳурии Қирғизистон Алмазбек Атамбаев гуфта мешавад:
«Муҳтарам Эмомалӣ Раҳмон,
Хабари марги бармаҳали бародари калонии Шумо – Нуриддин Раҳмонро бо андӯҳи амиқ дарёфтам.
Дар ин лаҳзаҳои душвор ва ҳузнангез аз номи халқи қирғиз ва шахсан аз номи худам ба Шумо ва аҳли оилаатон изҳори ҳамдардии амиқ менамоям.
Андӯҳи талафоти бебозгаштро бо ҳам қисмат мекунем».
Дар барқияи тасаллияти Президенти Туркия Реҷеб Тайип Эрдоган гуфта мешавад:
«Муҳтарам Ҷаноби Президент
Бародари азиз,
Хабари марги бародаратон Нуриддин Раҳмонро дар таърихи 7 октябр бо андӯҳи гарон дарёфтам, Аз Худованди бузург хоҳонам, ки марҳумро мағфират гардонад, ҳамдардии амиқи хешро ба Ҷаноби Олӣ, наздикон ва дӯстдорон иброз менамоям.
Бо истифода аз фурсат барои беҳбудиву осудагии мардуми бародари Тоҷикистон беҳтарин таманниётамро мерасонам».
Пешвои миллат Эмомалӣ Раҳмон оид ба омодагӣ ба истиқболи ҷашни таърихии 35-солагии Истиқлоли давлатӣ машварати корӣ доир намуданд
Президенти Ҷумҳурии Тоҷикистон Эмомалӣ Раҳмон Вазири корҳои хориҷии Ҷумҳурии Кипр Константинос Комбосро ба ҳузур пазируфтанд
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Қирғизистон Садир Жапаров барқияи табрикӣ ирсол намуданд
Супоришҳои қатъии Пешвои миллат доир ба афзун намудани истеҳсоли семент
Маҷлиси Ҳукумати Ҷумҳурии Тоҷикистон баргузор шуд
Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Исломии Эрон Масъуди Пизишкиён суҳбати телефонӣ анҷом доданд
Паёми шодбошии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба муносибати иди Қурбон
Пешвои миллат Эмомалӣ Раҳмон Вазири неруи барқ ва оби Шоҳигарии Баҳрайн Ясир Иброҳим ибни Ҳумайдонро ба ҳузур пазируфтанд
Сарвари давлат Эмомалӣ Раҳмон вазири неруи Ҷумҳурии Исломии Эрон Аббос Алиободиро ба ҳузур пазируфтанд
Пешвои миллат Эмомалӣ Раҳмон бо муовини Дабири кулли СММ оид ба масъалаҳои иқтисодӣ ва иҷтимоӣ Ли Ҷунҳуа мулоқот намуданд
Сарвари давлат Эмомалӣ Раҳмон дар Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои 2018-2028» иштирок намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Конфронси чоруми байналмилалии сатҳи баланд оид ба Даҳсолаи байналмилалии амал: “Об барои рушди устувор, солҳои 2018-2028”
