Баррасии роҳҳои рушди соҳаи нассоҷӣ ва дӯзандагӣ дар Тоҷикистон
ДУШАНБЕ, 09.10.2017/АМИТ «Ховар»/. Роҳҳои рушди соҳаи нассоҷӣ ва дӯзандагӣ дар Тоҷикистон фардо дар Душанбе зимни баргузории нишаст бо иштироки намояндагони ширкатҳои хусусӣ, иттиҳодияҳо, ширкатҳои консалтингӣ, ниҳодҳои марбутаи давлатӣ ва созмонҳои байналмилалӣ матраҳ мегарданд.
Ҳамоиш дар доираи ҳафтаи соҳибкорӣ бо ибтикори Иттифоқи рушди бахши хусусии Тоҷикистон таҳти сарпарастии Кумитаи давлатии сармоягузорӣ ва идораи амволи давлатии Ҷумҳурии Тоҷикистон дар ҳамкорӣ бо Маркази тиҷорати байналмилалӣ баргузор мешавад.
Дар нишаст пешсафони соҳаи нассоҷию дӯзандагии Тоҷикистон ва ниҳодҳои марбута вазъи кунунии соҳа ва роҳҳои рушди онро баррасӣ мекунанд. Зимни муаррифии фазои феълии истеҳсолот, тиҷорат ва бозорёбӣ дар соҳаи нассоҷӣ ва дӯзандагӣ ширкатҳои таҷрибадори соҳа, ҳамчунин намояндагони вазорату идораҳои марбутаи Тоҷикистон доир ба барномаҳои давлатӣ дар иртибот ба соҳа маълумот пешниҳод мекунанд.
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
3 август дар Донишкадаи давлатии фарҳанг ва санъат ва Донишкадаи тарбияи ҷисмонӣ нишасти матбуотӣ доир мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
