Дар Ҳамадонӣ аз хурҷини асп миқдори зиёди ҳашиш дарёфт гардид
ДУШАНБЕ, 26.10.2017 /АМИТ «Ховар»/. Кормандони Агентии назорати маводи нашъаовари назди Президенти Ҷумҳурии Тоҷикистон дар вилояти Хатлон дар натиҷаи гузаронидани амалиёт аз гардиши ғайриқонунӣ зиёда аз 25 кг маводи нашъаовар ҷилавгирӣ намуданд.
Ба иттилои ин ниҳод, кормандони Агентӣ хабари фаврӣ дастрас намуданд, ки сокини 49-солаи ноҳияи Мирсаид Алии Ҳамадонӣ, ҷамоати деҳоти Панҷрӯд, деҳаи Сафедоб ба муомилоти ғайриқонунии маводи нашъаовар даст дорад. Дар натиҷаи гузаронидани чорабинии фаврӣ-ҷустуҷӯӣ дар ҳудуди деҳаи Чордараи поёни ҷамоати деҳоти Тугараки ноҳияи Восеъ ин мард, ки савораи асп буд, дастгир карда шуд. Дар рафти азназаргузаронии хурҷини асп аз дохили он 2 халта бо 25 баста дарёфт гардид.
«Ташхиси экспертиза нишон дод, ки маводи мусодирагардида навъи ҳашиш буда, вазни умумии он 25 кг 95 граммро ташкил медиҳад»,-илова намуд манбаъ.
Имрӯз дар шаҳри Душанбе ҳаво то 25 дараҷа гарм мешавад
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
Садои тоза ва интернети босуръат: муштариён VoLTE-ро интихоб мекунанд
Дар шаҳри Душанбе муколамаи G10 Insight Forum 2026 оғоз гардид
Дар доираи Форуми соҳибкории «Тоҷикистон ба пеш!» 23 Созишномаи ҳамкорӣ ба имзо расид
Дар қаламрави Тоҷикистон заминларза ба амал омад
