Дар Хатлон чор ҳазор адад фиттаҳои пастсифат мусодира шуданд
ҚӮРҒОНТЕППА, 09.10.2017 /АМИТ «Ховар»/. Дар нуқтаҳои фурӯши маводи аудиовизуалӣ ва бозиҳои компютерии шаҳру навоҳии Қӯрғонтеппа, Сарбанд, Ҷалолиддини Балхӣ ва Бохтар санҷиши якҷояи Корхонаи воҳиди давлатии кино ва видеои «Тоҷиккино» ва Корхонаи фаръии давлатии кино ва видеои вилояти Хатлон идома дорад. Тавре ба мухбири минтақавии АМИТ “Ховар” аз шуъбаи иттилоотӣ-таҳлилии мақомоти иҷроияи ҳоимияти давлатии вилояти Хатлон хабар доданд, мақсад аз баргузории санҷишҳо пешгирии фаъолияти ғайриқонунии соҳибкороне мебошад, ки ба фурӯши маводи аудиовизуалӣ, паҳн намудани фиттаҳои ғайристандартии дорои мазмуни роҳзанӣ, ваҳшоният ва зӯроварӣ машғул мебошанд.
Ба иттилои манбаъ, дар нуҳ моҳи соли равон дар ҳамкорӣ бо кормандони ҳифзи ҳуқуқ дар шаҳру навоҳии вилоят 400 ҳолати санҷиш гузаронида шуда, зиёда аз 4000 адад фиттаҳои пастсифат мусодира гардиданд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
