Дар Конибодом Маркази барқарорсозӣ барои кӯдакони имконияташон маҳдуд кушода шуд
ДУШАНБЕ, 19.10.2017 /АМИТ «Ховар»/. Бахшида ба 25-солагии Иҷлосияи ХVI Шӯрои Олии Ҷумҳурии Тоҷикистон бо дастгирии Мақомоти иҷроияи ҳокимияти давлатии шаҳри Конибодом, Ташкилоти ҷамъиятии «Имдоди Ғайрат» ва бо кумаки Сафорати Япония дар Ҷумҳурии Тоҷикистон дар шаҳри Конибодом маркази будубоши рӯзона барои кӯдакони дорои имконияти маҳдуд мавриди истифода қарор дода шуд.
Тавре аз мақомоти иҷроияи ҳокимияти давлатии шаҳри Конибодом хабар доданд, марказ аз толорҳои бозӣ, мусиқӣ, китобхона, ошхона, ҳуҷраҳои дамгирӣ, ҳунаромӯзӣ, санитарӣ, равоншинос, асабшинос, логопед, тренинг ва маъмурият иборат мебошад. Дар сохтмони бино аз ҷониби Сафорати Япония 81 ҳазор доллари амрикоӣ ва мақомоти иҷроияи ҳокимияти давлатии шаҳри Конибодом дар ҳаҷми 130 ҳазор сомонӣ маблағгузорӣ шудааст.
Бояд гуфт, ки чунин ҳамкории судманд бо Сафорати Япония бори аввал набуда, ду сол қабл маҳз бо кумаки бевоситаи онҳо шуъбаи таваллуди Беморхонаи марказии шаҳри Конибодом таъмиру таҷдид гардида, илова бар ин бо таҷҳизоти зарурии тиббӣ таъмин шуд.
Маркази инкишоф ва барқарорсозии кӯдакони дорои имконияти маҳдуд имкон медиҳад, ки минбаъд чунин кӯдакон миёни ҳамтоёни хеш дар муҳити созгор худро боз ҳам хушбахттар эҳсос намуда, новобаста аз имкониятҳои хеш чун инсонҳои асил ба воя расанд.
Лӯлаҳои обгузари Ҷамоати деҳоти Боғистони ноҳияи Шаҳринав таъмир мешаванд
Теъдоди бар асари обхезӣ ҳалокшудагон дар Афғонистон аз 300 нафар гузашт
Дар Донишгоҳи давлатии ҳуқуқ, бизнес ва сиёсати Тоҷикистон Форум баргузор шуд
Имрӯз дар Тоҷикистон ҳаво тағйирёбандаи бебориш мешавад
Дар ноҳияи Рашт ҳамоиши гирандагони Стипендияи Президентӣ баргузор гардид
Доир ба ташаккули низоми нави шабакаҳои телевизионӣ дар Тоҷикистон китоб ба нашр расид
Имсол корҳои соҳилмустаҳкамкунӣ ба дарозии беш аз 36 ҳазор метр гузаронида мешаванд
«ТАРАННУМИ ВАТАН». Озмуни ҷумҳуриявӣ ҳисси ватандӯстии ҷавононро тақвият мебахшад
Имрӯз дар Тоҷикистон ҳавои тағйирёбанда пешгӯӣ мешавад
Шаҳбози Аброр раиси нави Ҳизби демократи Тоҷикистон интихоб гардид
СОЛИ МАЪРИФАТИ ҲУҚУҚӢ. Дар «Тоҷикаэронавигатсия» роҳҳои таҳкими волоияти қонун ва маърифати ҳуқуқӣ баррасӣ гардиданд
Ҷаласаи Шурои сиёсии Ҳизби демократи Тоҷикистон баргузор шуд
