Дар шаҳри Москва ҷаласаи Гурӯҳи тамоси «СҲШ-Афғонистон» доир гардид
ДУШАНБЕ, 13.10.2017 /АМИТ «Ховар»/. Дар шаҳри Москва 11 октябр ҷаласаи Гурӯҳи тамоси «СҲШ-Афғонистон» дар сатҳи муовинони вазирони корҳои хориҷии кишварҳои аъзои СҲШ баргузор гардид. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Тоҷикистонро дар ҷаласаи мазкур муовини Вазири корҳои хориҷӣ Маҳмадшариф Ҳақдод намояндагӣ кард.
Зимни ҷаласа мубодилаи афкор оид ба масъалаҳои мубориза бо чолишу таҳдидҳо ба амнияти минтақа, мусоидат ба кӯшишҳои Афғонистон барои барқарор намудани сулҳ ва таъмини рушди босуботи иқтисодии кишвар сурат гирифт.
Тарафҳо ҳавасмандиро ҷиҳати ба роҳ мондани ҳамкорӣ миёни СҲШ ва Афғонистон дар доираи сохтори машваратии мазкур, ки соли 2005 таъсис дода шудааст, зикр намуданд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
