Дар Тоҷикистон бори аввал асари Конфутсий ба забони тоҷикӣ интишор гардид
ДУШАНБЕ, 16.10.2017 /АМИТ «Ховар»/. Бо ибтикор ва таҳти васояти Бунеди забони тоҷикӣ дар матбааи нашриёти «Контраст»-и шаҳри Душанбе китоби арзишманде зери унвони «Суханҳои ҳакимона ва зебои Конфутсий» аз чоп баромад. Муҳаррири масъули он мушовири калони дастгоҳи Президенти Ҷумҳурии Тоҷикистон оид ба масъалаҳои робитаҳои хориҷӣ, доктори илмҳои таърих Зафар Сайидзода ва тарҷумону мураттиби китоб дипломати тоҷик Муҳаммад Эгамзод мебошанд.
Нашрияи мазкур бо сарсухани Вазири корҳои хориҷии Ҷумҳурии Тоҷикистон Сироҷидин Аслов ва Сафири Фавқулодаи Ҷумҳурии Мардумии Чин дар Ҷумҳурии Тоҷикистон Юе Бин оғоз меёбад.
Китоби «Суханҳои ҳакимона ва зебои Конфутсий» ба муносибати 25-умин солгарди оғози равобити дипломатӣ миёни Тоҷикистону Чин чоп шуда, бори аввал ба забони тоҷикӣ гулчини андешаҳои мутафаккир ва файласуфи машҳури Чинро пешниҳоди доираи васеи хонандагон намудааст.
Муҳаррири масъули китоб Зафар Сайидзода изҳори умед кардааст, ки китоби тозанашр мавриди пазириши дилбастагону дӯстдорони афкору андешаҳои баланд мегардад.
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
Имрӯз дар Тоҷикистон ҳавои тағйирёбанда пешгӯӣ мешавад
