Дар вилояти Хатлон беш аз чор ҳазор диски қалбакӣ мусодира гардид
ДУШАНБЕ, 18.10.2017 /АМИТ «Ховар»/. Дар давоми нуҳ моҳи соли равон дар ҳамкорӣ бо кормандони мақомоти ҳифзи ҳуқуқ дар шаҳру ноҳияҳои вилояти Хатлон 400 санҷиш гузаронида шуда, беш аз чор ҳазор адад фиттаҳои пастсифат мусодира ва нобуд карда шуданд.
Дар ин бора ба АМИТ «Ховар» директори Корхонаи фаръии давлатии кино ва видеоии вилояти Хатлон Лутфияи Толиб хабар дод.
Ба иттилои манбаъ, бо мақсади пешгирии фаъолияти ғайриқонунии соҳибкороне, ки ба фурӯши маводи аудиовизуалӣ, аз қабили фиттаҳои пастсифату ғайриқонунӣ, қалбакӣ, дорои хусусияти зӯроварӣ, ваҳшоният ва ғайриахлоқӣ машғуланд, аз ҷониби намояндагони Корхонаи фаръии давлатии кино ва видеоии вилояти Хатлон дар 25 шаҳру ноҳияи вилоят санҷишҳои махсус гузаронида мешаванд.
«Мо аллакай дар шаҳру ноҳияҳои Қӯрғонтеппа, Сарбанд, Ҷалолиддини Балхӣ ва Бохтар санҷиш гузаронидем. Хушбахтона, дар ин ҷойҳо ҳолатҳои қонунвайронкунӣ ба қайд гирифта нашуданд. Дар 20 шаҳру ноҳияи дигар аз ҷониби мутасаддиёни соҳа барои коҳиш додани фурӯши дискҳои қалбакӣ чунин санҷишҳо гузаронида мешаванд»,-иброз дошт Лутфияи Толиб.
АБАРМАРДЕ, КИ ДАВЛАТРО БИНО КАРД. Ба ифтихори Рӯзи Президенти Ҷумҳурии Тоҷикистон
Имрӯз дар водиҳои Тоҷикистон борон меборад
Байни Тоҷикистон ва Агентии ҳамкории байналмилалии Ҷопон Созишномаи грантӣ ба имзо расид
Бастаҳои «MIX»: интернети бисёр барои паёмрасонҳо, шабакаҳои иҷтимоӣ ва платформаҳои видеоӣ
БОТУЛИЗМ. Риоя нагардидани қоидаҳои санитарию гигиенӣ боиси пайдошавии ин беморӣ мегардад
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар Тоҷикистон ҳаво абрнок мешавад
Паҳлавонони тоҷик дар Чемпионати ҷаҳон оид ба кураш соҳиби шаш медал гардиданд
Ба ифтихори Рӯзи Президенти Тоҷикистон дар Академияи идоракунии давлатӣ ҳамоишҳо баргузор мегарданд
Дастаи мунтахаби ҷавонони Тоҷикистон (U-20) дар Чэнду бо дастаҳои Кореяи Ҷанубӣ, Чин ва Ветнам бозӣ мекунад
Дар Хатлон Рӯзи милитсияи тоҷикро таҷлил намуданд
Муассисаи давлатии нигоҳдории роҳҳои мошингарди минтақаи Ҳисор ба зимистон омода мебошад
