Форуми байналмилалии иқтисодии «Данғара-2017» оғоз гардид
ДУШАНБЕ, 13.10.2017. /АМИТ «Ховар»/. Имрӯз дар ноҳияи Данғараи вилояти Хатлон ба ифтихори Рӯзи соҳибкорон, ки ҳамасола 14 октябр таҷлил мегардад, Форуми байналмилалии иқтисодии «Данғара -2017» ба кор оғоз намуд.
Тавре хабарнигори АМИТ «Ховар» аз макони баргузории ин ҳамоиш иттилоъ дод, ҳадафи Форуми байналмилалии иқтисодии «Данғара-2017» муаррифии иқтидор ва имконоти инвеститсионии вилояти Хатлон, бахусус Минтақаи озоди иқтисодии «Данғара» ба доираҳои соҳибкорону тоҷирони хориҷӣ ва ширкатҳои пуриқтидор мебошад.
Дар Форуми байналмилалии иқтисодии «Данғара-2017» намояндагони сохторҳои давлатии Ҷумҳурии Тоҷикистон, корпусҳои дипломатии муқими Тоҷикистон, созмонҳои байналмилалӣ, олимон ва 250 нафар намояндагони доираҳои соҳибкорию тиҷоратӣ аз кишварҳои хориҷии Чин, Кореяи Ҷанубӣ, Афғонистон, Россия, Ӯзбекистон, Қирғизистон иштирок доранд.
Аз ҷараёни баргузории ин форум маълумоти муфассал пешниҳод хоҳад шуд.
Имрӯз дар шаҳри Душанбе борони кӯтоҳмуддат меборад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
