Хатсайри ҳавоии Душанбе-Сеул кушода мешавад
ДУШАНБЕ, 25.10.2017 /АМИТ «Ховар»/. Тибқи созишномаи баимзорасида миёни Ҳукумати Ҷумҳурии Тоҷикистон ва Кореяи Ҷанубӣ, ки ба рушди ҳамкории мутақобилан судманд миёни ду кишвар дар соҳаи ҳамлу нақли ҳавоӣ нигаронида шудааст, ширкати ҳавопаймоии «Сомон Эйр» дар самти Душанбе-Сеул парвози техникӣ анҷом медиҳад.
Тавре аз Хадамоти матбуоти ширкати мазкур ба АМИТ «Ховар» хабар доданд, ин парвоз 31 октябри соли равон, соати 09:00 амалӣ мешавад. Бо ҳавопаймои «Боинг 737-900», ки хатсайри мазкурро амалӣ менамояд, ҳайати корӣ парвоз карда, дар музокирот оид ба кушодани хатсайри мунтазам иштирок мекунад.
Лозим ба ёдоварист, ки хатсайри мазкур Ҷумҳурии Тоҷикистон ва Кореяи Ҷанубиро тавассути фазои ҳавоии мустақим пайваст намуда, барои рушди муносибатҳои сайёҳии ин кишварҳо мусоидат хоҳад кард.
Илова бар ин, дар ҳамин рӯз- 31 октябр ифтитоҳи хатсайри самти Кӯлоб–Москва–Кӯлоб баргузор мегардад.
Бояд хотиррасон кард, ки ширкати «Сомон Эйр» аз Кӯлоб ба фурудгоҳи Внуковои Москва ҳафтае се маротиба- рӯзҳои сешанбе, панҷшанбе ва шанбе парвозҳоро ба роҳ мондааст. Вақти парвоз аз Кӯлоб соати 17:00 ба вақти маҳаллӣ сурат гирифта, хатсайрҳо тавассути ҳавопаймои «Боинг 737» амалӣ мегарданд.
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
3 август дар Донишкадаи давлатии фарҳанг ва санъат ва Донишкадаи тарбияи ҷисмонӣ нишасти матбуотӣ доир мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
