Имкониятҳои тавсеа бахшидани ҳамкориҳои Тоҷикистону Кореяи Ҷанубӣ баррасӣ гардиданд
ДУШАНБЕ, 04.10.2017 /АМИТ «Ховар»/. Чанде қабл вохӯрии муовини Сарвазири мамлакат Азим Иброҳим бо муовини якуми Вазири корҳои хориҷии Кореяи Ҷанубӣ Им Сон Нам баргузор гардид.
Дар оғоз ҷонибҳо 25-умин солгарди барқарорсозии муносибатҳои дипломатӣ байни Ҷумҳурии Тоҷикистон ва Ҷумҳурии Кореяи Ҷанубиро табрик гуфта, аз имконияту захираҳои истифоданагардидаи ҳарду кишвар ёдовар шуданд.
Зимни вохӯрӣ муовини Сарвазири мамлакат ҳавасмандии Ҷумҳурии Тоҷикистонро дар ҷалби сармоя, корхонаҳои бонуфузи саноатии Кореяи Ҷанубӣ ва ташкили корхонаҳои муштарак барои рушди муносибатҳои тиҷоративу иқтисодии тарафҳо баён намуд.
Дар радифи дигар имкониятҳо тарафҳо тақвияти фаъолияти Комиссияи байниҳукуматии Тоҷикистону Кореяро оид ба ҳамкориҳои иқтисодӣ, илмӣ ва техникӣ низ мутақобилан судманд арзёбӣ намуданд.
Ҳамчунин ба муовини Вазири корҳои хориҷии Кореяи Ҷанубӣ пешниҳод карда шуд, ки бо мақсади тавсеа бахшидани ҳамкориҳои дуҷонибаи судманд лоиҳаи Созишномаи байниҳукуматии ду кишвар оид ба ҳамкорӣ дар соҳаи “муҳоҷирати меҳнатӣ ” мавриди баррасӣ қарор дода шавад. Ҷониби Кореяи Ҷанубӣ изҳор намуд, ки ҷиҳати баррасии лоиҳаи Созишнома Комиссияи корӣ таъсис дода шуда, масъала мавриди баррасӣ қарор мегирад.
Дар мулоқот ҳамчунин доир ба масоили таъмини амният ва субот дар минтақа ва ҷаҳон табодули назар сурат гирифт.
Вохӯрии тарафҳо дар фазои якдигарфаҳмию дӯстона баргузор гардид.
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
