Миёни Тоҷикистону Беларус ҳамкории парлумонӣ тавсеа меёбад
ДУШАНБЕ, 06.10.2017 /АМИТ «Ховар»/. Тавсеаи ҳамкории парлумонии Тоҷикистону Беларус зимни мулоқоти роҳбарони гурӯҳҳои дӯстии Маҷлиси намояндагони Маҷлиси Олии Ҷумҳурии Тоҷикистон Нурулло Оқилзода ва парлумони Ҷумҳурии Беларус Михаил Орда дар Душанбе баррасӣ гардид.
Вакили парлумони Тоҷикистон зикр намуд, ки муносиботи Тоҷикистону Беларус хусусияти шарикии стратегӣ касб намудаанд. Дар ин росто, барои ба сатҳи сифатан нав расонидани робитаҳо кори гурӯҳи парлумонӣ байни Маҷлиси намояндагони Маҷлиси Олии Ҷумҳурии Тоҷикистон ва Палатаи намояндагони Ҷумҳурии Беларус, ҳамчунин иштироки фаъоли парлумонҳои ҳар ду давлат дар татбиқи санадҳои зимни сафари расмии Президенти Ҷумҳурии Тоҷикистон Эмомалӣ Раҳмон ба Ҷумҳурии Беларус имзошуда муҳиму манфиатбор шуморида шуд.
Дар мулоқот ҳамзамон ҷиҳати роҳандозии ҳамкории дуҷониба дар соҳаҳои гидроэнергетика, комплекси агросаноатӣ, маориф ва туризм пешниҳодҳои судманд баён гардид.
Зикр шуд, ки ҳамкорӣ дар бахшҳои агросаноатӣ, нақлиёт, энергетика, саноати сабуку хӯрокворӣ бояд фаъол гардонида шавад. Мусоҳибон зарурати татбиқи босамари Барномаи байнидавлатии рушди ҳамкорӣ барои давраи то соли 2020, роҳандозии робитаҳои мустақим миёни минтақаҳои ду кишвар, таъсиси корхонаҳои муштараки саноатӣ ва паркҳои технологӣ дар Тоҷикистонро таъкид доштанд.
Имрӯз дар водиҳои Тоҷикистон ҳаво то 35 дараҷа гарм мешавад
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
