ОБУ ҲАВО: имрӯз дар баъзе ноҳияҳои кишвар борон ва дар баландиҳои 2500 м барф меборад
ДУШАНБЕ, 18.10.2017. /АМИТ «Ховар»/. Имрӯз дар баъзе ноҳияҳои вилояти Суғд аз тарафи шимолу ғарб вазиши сахти бод то 17-22 метр дар як сония пешбинӣ шуда, дар бархе ҷойҳои вилояти Хатлон ва ноҳияҳои тобеи марказ ва шаҳри Душанбе шамол то 15-20 метр дар як сония мевазад. Ҳамзамон ба амал омадани чангу ғубор пешгӯӣ мешавад. Дар водиҳо ҳарорати рӯзона паст гардида, ба 8-13 дараҷа мерасад. Дар ин бора ба АМИТ «Ховар» аз Агентии обуҳавошиносии Тоҷикистон хабар доданд.
Имрӯз, 18 октябр тибқи маълумоти обуҳавошиносони кишвар дар вилояти Хатлон ҳавои абрнок пешбинӣ шуда, дар баъзе ноҳияҳо боридани боронҳои кӯтоҳмуддат дар назар дошта шудааст. Шамол аз самти ғарб 18-23 метр дар як сония вазида, чангу ғубор ба амал меояд. Дар водиҳо ҳарорат паст гашта, рӯзона ба 19-24 дараҷа мерасад.
Дар Вилояти Мухтори Кӯҳистони Бадахшон ҳавои тағйирёбандаи ноустувор пешбинӣ мегардад. Дар ғарби вилоят ҳарорат рӯзона 18-23 ва дар шарқи ҳамин вилоят 6-11 дараҷаро ташкил хоҳад дод.
Обуҳавошиносон дар вилояти Суғд ҳавои тағйирёбандаи абрию боронӣ пешгӯӣ менамоянд. Дар ноҳияҳои вилоят вазиши сахти шамол ба амал омада, суръати он дар баъзе ноҳияҳо ба 18-23 метр дар як сония мерасад. Дар баландиҳои 2500 м борон ба барф мубаддал мегардад. Ҳарорати ҳаво дар водиҳо шабона 5-10 ва рӯзона 13-18 дараҷаро ташкил медиҳад.
Дар ноҳияҳои тобеи марказ ҳаво абрӣ гашта, боридани борони кӯтоҳмуддат дар назар аст. Дар баландиҳои 3000 м барф меборад. Ҳарорат дар водиҳо шабона ба 6-11 ва рӯзона ба 17-22 дараҷа мерасад.
Обуҳавошиносон дар шаҳри Душанбе ҳавои тағйирёбанда ва боридани борони кӯтоҳмуддатро пешгӯӣ менамоянд. Шамол аз самти ғарб аз 2-7 то 10-15 метр дар як сония вазида, ҳаво шабона 8-10 ва рӯзона 19-21 дараҷа гарм мешавад.
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
