Ҷомеаи ҷаҳонӣ куҳансолонро неруи мусбат дар рушду пешрафти иҷтимоӣ меҳисобад

Октябрь 16, 2017 14:30

ДУШАНБЕ, 16.10.2017/АМИТ «Ховар»/. «Даъвати куҳансолон барои истифодаи дониш, истеъдод ва таҷрибаашон дар рушди ҷомеа»-таҳти чунин унвон дар Душанбе бо ибтикори Маркази тадқиқоти стратегии назди  Президенти Ҷумҳурии Тоҷикистон ҳамоиши илмию амалӣ  доир гардид. Дар кори ҳамоиш  донишмандони соҳаи геронтология,  коршиносон, намояндагони созмонҳои байналмилалию ғайриҳукуматӣ ва рӯзноманигорони ватанию хориҷӣ ширкат доштанд.

«Дар Ҷумҳурии Тоҷикистон чун суннати неки ниёгонамон куҳансолон ҳам аз ҷониби фарзандону наздикон ва ҳам аз тарафи Ҳукумати кишварамон бо ғамхориҳои ҳамарӯза фаро гирифта шудаанд»,-баён дошт муовини аввали директори Маркази тадқиқоти стратегии назди Президенти Ҷумҳурии Тоҷикистон Сайфулло Сафаров зимни ифтитоҳи ҳамоиш. Мавсуф афзуд, ки  барои дар сатҳи баланди қонунгузорӣ ҳал намудани мушкилоти куҳансолон дар Конститутсияи Ҷумҳурии Тоҷикистон навишта шудааст, ки на фақат  падару модарон барои таълиму тарбияи фарзандон ҷавобгаранд, балки дар навбати худ фарзандон низ барои нигоҳубини падару модарони куҳансоли худ масъуланд.

Бояд тазаккур дод, ки барои ба корҳои муфиди ҷамъиятӣ ҷалб намудани собиқадорони ҷангу меҳнат ва пиронсолон дар шаҳру навоҳии кишварамон аз ҷониби созмонҳои ҷамъиятӣ бо дастгирии  мақомоти маҳаллии ҳокимияти давлатӣ тадбирҳои зиёд амалӣ карда мешаванд. Ҳамаи ин имкон медиҳад, ки насли куҳансол худро дар ҷомеа танҳову нодаркор ҳис накунанд ва ҳамеша фаъолу  тандуруст бошанд.

Дар ҳамоиш директори Маркази тиббии шаҳри Душанбе Соҳибназар  Раҳмонов ва ҳамоҳангсози Маркази геронтологияи Осиёи Марказӣ Валентина  Солодова зикр намуданд, ки ҷомеаи ҷаҳонӣ куҳансолонро на сарборӣ, балки чун неруи мусбат дар рушду пешрафти иҷтимоӣ меҳисобад. Мавриди зикр аст, ки мақом ва нақши куҳансолон ба таври возеҳу равшан аз тарафи Созмони Милали Муттаҳид дар баёнияи «Ҳаёти куҳансолонро фаъол менамоем» дарҷ гардида, дар Ассемблеяи генералии 46-уми ин созмони бонуфузи байналмилалӣ 16 декабри соли 1991 қабул ва минбаъд такмил дода шуд. Аз ин рӯ, бояд барои боз ҳам беҳтар намудани фаъолияти куҳансолон ва истифодаи таҷриба ва дониши андӯхтаи онҳо дар  таълиму тарбияи насли наврас кӯшишу талоши  бештар ба харҷ диҳем.

 

Октябрь 16, 2017 14:30

Хабарҳои дигари ин бахш

«ШИРКЕНТ»-И НОМДОР. Дар ин истироҳатгоҳ зиёда аз 1000 нафар таътили тобистонаро бофароғат гузарониданд
ИСТИФОДАИ САМАРАНОКИ ЗАМИН. Омӯзгори ташаббускор Намозалӣ Ашуров аз Восеъ дар кишоварзӣ ҳам мувафақ аст
Имрӯз дар Тоҷикистон ҳавои тағйирёбанда пешгӯӣ мешавад
Намояндагони Тоҷикистон дар Гурҷистон ва Арманистон мубодилаи донишу таҷриба менамоянд
СОЛИ МАЪРИФАТИ ҲУҚУҚӢ. Бахшида ба он дар ноҳияи Нуробод бо сокинон вохӯрӣ доир шуд
Имрӯз дар баъзе минтақаҳои Тоҷикистон чангу ғубор дар назар аст
Ҳайати Тоҷикистон дар ҷаласаи 65-уми Ассамблеяи Созмони ҷаҳонии моликияти зеҳнӣ иштирок намуд
Дар минтақаи Искандаркӯл давраи омӯзишии «Мубодилаи таълимӣ ва амалии намояндагони «Нозирони сабз» -2024» гузаронида шуд
Барои ҷавонони Тоҷикистон мактаби тобистонаи зиддикоррупсионӣ ташкил карда мешавад
ИСТИҚЛОЛИ ДАВЛАТӢ ВА ҲИФЗИ ДАСТОВАРДҲОИ ОН. Бо сокинону фаъолони ноҳияи Ҳамадонӣ вохӯрӣ доир шуд
12 ИЮЛ — РӮЗИ БАЙНАЛМИЛАЛИИ МУБОРИЗА БО ТӮФОНИ РЕГУ ЧАНГ. Дар Тоҷикистон тибқи Барномаи «Мамлакати сабз» то соли 2040 беш аз 2 миллиард дарахт шинонида мешавад
«ЗИМЧУРУД». Дар ин ҷо 1000 нафар хонанда ба истироҳат фаро гирифта мешавад