Сафири Франсия Ясмин Гуедар: «Тоҷикистон дар қалби мардуми мо ҷои махсусро ишғол менамояд»
ДУШАНБЕ, 26.10.2017. /АМИТ «Ховар»/. Вазири фарҳанги Ҷумҳурии Тоҷикистон Шамсиддин Орумбекзода бо Сафири Фавқулода ва Мухтори Франсия дар Ҷумҳурии Тоҷикистон Ясмин Гуедар вохӯрӣ анҷом дод.
Ба иттилои Маркази матбуоти Вазорати фарҳанги Ҷумҳурии Тоҷикистон, зимни вохӯрӣ ҷонибҳо оид ба таҳкими робитаҳои фарҳангии байни Тоҷикистон ва Франсия, хусусан оид ба намоиши нигораҳои таърихии Тоҷикистон дар Осорхонаи Гимеи Париж, ки соли 2019 баргузор мегардад, суҳбат карданд.
Сафири Франсия дар Тоҷикистон чунин изҳор намуд: «Намоишгоҳи Тоҷикистон дар Париж дар сатҳи олӣ баргузор гашта, аз ҷониби мардуми мо хуш пазируфта хоҳад шуд. Зеро Тоҷикистон дар қалби мардуми мо ҷои махсусро ишғол менамояд».
Ясмин Гуедар изҳор дошт, ки барои самаранок ба роҳ мондани ҳамкории дуҷонибаи судманд дар доираи салоҳияти кориаш талош хоҳад кард.
Вазири фарҳанги Ҷумҳурии Тоҷикистон Шамсиддин Орумбекзода, дар навбати худ, зикр намуд, ки намоиши мазкур имконияти хубест барои муаррифии фарҳанги Ҷумҳурии Тоҷикистон ва он барои таҳким ва рушди муносибатҳои фарҳангии ду кишвар такони тоза хоҳад бахшид.
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
