Шаҳрванди Россия баъди ҷангҳо дар Сурия бо шиносномаи қалбакии Тоҷикистон дастгир шуд
ДУШАНБЕ, 23.10.2017. /АМИТ «Ховар»/. Вазорати корҳои дохилии Ҷумҳурии Тоҷикистон аз боздошти шаҳрванди Федератсияи Россия, ки бо омода намудани шиносномаи қалбакии шаҳрванди Ҷумҳурии Тоҷикистон ба гурӯҳҳои ҷинояткори «Давлати исломӣ» пайвастааст, хабар медиҳад.
Тавре аз Вазорати корҳои дохилӣ хабар доданд, Хисамов Денис Франгизович 18 декабри соли 1983 дар шаҳри Краснодари Федератсияи Россия таваллуд шуда, шаҳрванди Федератсияи Россия, маълумоташ олӣ, номзади илмҳои техникӣ мебошад. Ӯ собиқ корманди Вазорати мудофиаи Федератсия Россия бо рутбаи капитан мебошад.
Дар моҳи майи соли 2015 бо роҳи қалбакӣ шиносномаи шаҳрвандии Ҷумҳурии Тоҷикистонро омода намуда, тавассути ин шиноснома аз Федератсияи Россия ба Ҷумҳурии Туркия рафта, дар он ҷо ба гурӯҳи ҷинояткори «Давлати исломӣ» пайвастааст. Денис Хисамов дар муноқишаҳо ва ҷангҳои сарзамини Ироқу Сурия фаъолона ширкат варзида, моҳи апрели соли 2017 вақти баргаштан аз минтақаҳои ҷангзадаи Ироқу Сурия аз ҷониби кормандони милитсияи Ҷумҳурии Туркия дастгир гардида, барои доштани шиносномаи қалбакии Ҷумҳурии Тоҷикистон ба Ҷумҳурии Тоҷикистон фиристода шудааст.
Ба иттилои Вазорати корҳои дохилии ҶТ, Денис Хисамов барои содир намудани ҷиноят қасди баргаштан ба Федератсияи Россияро доштааст.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
