Суғд: ноҳияи Зафаробод аввалин шуда, нақшаи даъвати тирамоҳии наваскаронро иҷро намуд
ХУҶАНД, 06.10.2017 /АМИТ «Ховар»/. Шурӯъ аз аввали моҳи октябр тибқи Фармони Президенти Ҷумҳурии Тоҷикистон «Дар бораи даъвати навбатии шаҳрвандони солҳои таваллуди 1990-1999 Ҷумҳурии Тоҷикистон ба хизмати ҳарбӣ» дар вилояти Суғд маъракаи даъвати тирамоҳӣ оғоз ёфт.
Тавре хабарнигори минтақавии АМИТ «Ховар» иттилоъ дод, дар рӯзи аввали даъват миёни 18 шаҳру ноҳияҳои вилояти Суғд ноҳияи Зафаробод аввалин шуда, даъвати тирамоҳиро пурра иҷро намуд.
Дар маросими тантанавие, ки дар тарабхонаи «Баҳор»- и маркази ноҳияи Зафаробод доир гардид, 90 нафар наваскарон ба сафи Қувваҳои мусаллаҳи Ҷумҳурии Тоҷикистон сафарбар гардиданд.
Ҳамчунин ноҳияҳои Кӯҳистони Мастчоҳ, Шаҳристон ва шаҳри Истиқлол дар ин самт пешсаф буда, нақшаи даъватро беш аз 80 фоиз иҷро намудаанд.
7 октябр дар шаҳри Хуҷанд маросими гусели аввалин наваскарони вилоят ба сафи Қувваҳои мусаллаҳи ҷумҳурӣ дар назар дошта шудааст.
Ба иттилои Комиссариати ҳарбии вилояти Суғд, имсол дар маъракаи даъвати тирамоҳӣ қариб дуюним ҳазор нафар ҷавонон ба сафи Қувваҳои мусаллаҳи Ҷумҳурии Тоҷикистон сафарбар карда мешаванд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
