Таҷлили Рӯзи забони давлатӣ дар мақомоти Ваколатдор оид ба ҳуқуқи инсон
ДУШАНБЕ, 05.10.2017 /АМИТ «Ховар»/. Дирӯз дар мақомоти Ваколатдор оид ба ҳуқуқи инсон бахшида ба Рӯзи забони давлатии Ҷумҳурии Тоҷикистон ҳамоиш баргузор гардид.
Тавре ба АМИТ «Ховар» аз маркази матбуоти Ваколатдор оид ба ҳуқуқи инсон дар Ҷумҳурии Тоҷикистон хабар доданд, дар ҳамоиш Зариф Ализода, Ваколатдор оид ба ҳуқуқи инсон, Мавҷигул Давлатшоева, мудири бахши экспертизаи забоншиносии Кумитаи забон ва истилоҳоти назди Ҳукумати Ҷумҳурии Тоҷикистон ва Нарзулло Каримов, устоди Донишгоҳи миллии Тоҷикистон, номзади илми филология сухан гуфтанд.
Зариф Ализода иброз дошт, ки «ҳамасола 5 октябр ҳамчун Рӯзи забони давлатии Ҷумҳурии Тоҷикистон –рамзи худшиносию худогоҳӣ, ифтихор аз таъриху фарҳанг ва ҳувияти миллӣ дар саросари кишвар ҷашн гирифта мешавад. Ин санаи муборак дар қатори пурифтихортарин ҷашнҳои Тоҷикистон қарор дошта, мо онро мисли дигар муқаддасоти миллии худ гиромию муътабар медонем ва ба сифати нишонаи ҳастии миллат чун гавҳараки чашм ҳифз менамоем”.
Мавҷигул Давлатшоева атрофи сиёсати давлатӣ дар соҳаи забон ва тадбирҳои аз ҷониби Ҳукумати Ҷумҳурии Тоҷикистон андешидашаванда ҳарф зад. Зикр шуд, ки забони тоҷикӣ дар минтақа ва ҷаҳон аз шуҳрат ва эътибори хос бархурдор буда, тавассути забон ҳувияти миллии мо ҳифз карда мешавад.
Устоди Донишгоҳи миллии Тоҷикистон, номзади илми филология Нарзулло Каримов ба иштирокчиёни ҳамоиш оид ба қоидаҳои нави имлои забони тоҷикӣ маълумот дода, гуфт, ки барои истифодаи дурусти забон ва хат донистани қоидаҳои имло хеле зарур ва ҳатмист.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
