ТАҚВИМИ АМИТ «ХОВАР»: Имрӯз 1 октябр, якшанбе, 274-умин рӯзи соли 2017 аст. То охири сол 91 рӯзи дигар боқӣ мондааст
![](https://khovar.tj/wp-content/uploads/2017/09/SHahloi-Sadriddin-e1506657775799.jpg)
Тақвими моро дар ин гӯша
шореҳ Шаҳлои Садриддин варақ мезанад:
1 октябри соли 2009 дар шаҳри Норак Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон нақби мошингарди Чормағзакро расман ифтитоҳ намуда буданд.
***
15 сол муқаддам, 1 октябри соли 2002 қарори Ҳукумати Ҷумҳурии Тоҷикистон «Дар бораи тадбирҳои иҷрои Қонуни Ҷумҳурии Тоҷикистон «Дар бораи мукофотҳои давлатии Ҷумҳурии Тоҷикистон» ба имзо расида буд.
***
Дар ин рӯзи соли 2013 зимни нишасти сессияи панҷуми Парлумони Тоҷикистон, даъвати панҷум масъалаи Созишномаи Тоҷикистону Россия дар бораи будубоши базаи ҳарбии дивизияи 201 Россия дар Тоҷикистон баррасӣ шуд.
***
1 октябри соли 1937 Шӯрои комиссариати халқии Тоҷикистони Шӯравӣ қарор дар бораи дар Душанбе таъсис додани мактаби мусиқавӣ-балетиро қабул намуд.
01 ОКТЯБР ТАҶЛИЛ КАРДА МЕШАВАД:
Рӯзи байналмилалии пиронсолон.
***
Рӯзи умумиҷаҳонии мусиқӣ
***
Рӯзи байналмилалии нафароне, ки аз маҳсулоти гӯштӣ парҳез мекунанд.
***
Рӯзи ташкилёбии Ҷумҳурии Мардумии Чин
***
Дар Ӯзбекистон — Рӯзи омӯзгорон
***
Дар Озарбойҷон — Рӯзи кормандони прокуратура.
РӮЙДОДҲО:
1 октябри соли 2015 шумораи аҳолии Ҷумҳурии Тоҷикистон ба 8 млн 486 ҳазору 300 нафар (8 486 300) расид.
***
Дар ин рӯзи соли 1843 бори нахуст рӯзномаи маъруфи Британияи Кабир «The News of the World» ба нашр расид.
***
126 сол муқаддам, 1 октбяри соли 1891 дар Франсия клуби футболи «Бордо» ташкил ёфт.
***
1 октябри соли 2001 суди болоии ИМА муваққатан Бил Клинтон (собиқ президенти ИМА)-ро аз машғул шудан ба корҳои юридикӣ манъ намуд.
ИНЧУНИН ДАР ИН РӮЗ…
***
Соли 1869 дар Вена бори аввал дар ҷаҳон руқъаи почтавӣ бо тамға нашр гардид.
***
50 сол муқаддам, 1 октябр Телевизиони марказии Иттиҳоди Шӯравӣ тасвири барномаҳои худро ба таври ранга пахш намуд.