ТАҚВИМИ АМИТ «ХОВАР»: Имрӯз 15 октябр, якшанбе, 288-умин рӯзи соли 2017 аст. То охири сол 77 рӯзи дигар боқӣ мондааст

Тақвими моро дар ин гӯша 

шореҳ Шаҳлои САДРИДДИН варақ мезанад:

15 октябри соли 2015 Президенти Ҷумҳурии Тоҷикистон Эмомалӣ Раҳмон барои иштирок дар ҷаласаи Шӯрои сарони давлатҳои Иттиҳоди Давлатҳои Мустақил ба Ҷумҳурии Қазоқистон сафар намуда буданд.

***

Дар ин рӯз, 15 октябри соли 2014 Президенти Ҷумҳурии Тоҷикистон Эмомалӣ Раҳмон беш аз 20 нафар роҳбарони ҷамъиятҳои тоҷикони муқими минтақаҳои гуногуни Федератсияи Россияро барои суҳбат ба ҳузур пазируфтанд.

***

3 сол қабл, 15 октябри соли 2014 дар бинои Китобхонаи миллии Тоҷикистон бо иштироки Президенти Ҷумҳурии Тоҷикистон Эмомалӣ Раҳмон Форуми иқтисодӣ ва сармоягузории «Душанбе-2014: Соҳибкорӣ – муҳаррики иқтисодиёт» баргузор шуд.

15 ОКТЯБР ТАҶЛИЛ КАРДА МЕШАВАД:

Рӯзи умумиҷаҳонии занони деҳот.

***

Рӯзи кормандони саноати хӯрокворӣ.

***

Рӯзи умумиҷаҳонии тозагии дастҳо.

***

Дар Бразилия- рӯзи муаллим.

РӮЙДОДҲО:

15 октябри соли 2011 Президенти Ҷумҳурии Тоҷикистон Эмомалӣ Раҳмон барои шиносоӣ бо вазъи корҳои корхонаҳои заршўӣ ва мулоқоту суҳбат бо мардум ба мавзеи Шугноби ноҳияи Ховалинг ташриф оварда буданд.

***

Дар ин рӯз, 15 октябри соли 1932 Ширкати ҳавопаймоии Ҳиндустон «Air-India» таъсис ёфтааст.

***

14 сол қабл, 15 октябри соли 2003 Илҳом Алиев президенти Ҷумҳурии Озарбойҷон интихоб гардид.

***

15 октябри соли 2003 Чин аввалин кайҳоннаварди худро ба кайҳон фиристод.

***

Дар ин рӯз, 15 октябри соли 1666 шоҳи англис Чарлзи II ба мӯди нав- пӯшидани камзӯлча асос гузошт.

***

90 сол муқаддам, 15 октябри соли 1927 дар Иттиҳоди Шӯравӣ рӯзи кории 7- соата ҷорӣ гардид.

ИНЧУНИН ДАР ИН РӮЗ…

Соли 1964 калонтарин қубури нефтӣ дар ҷаҳон бо номи «Дӯстӣ» ба истифода дода шуд.