Бахшида ба Рӯзи Конститутсия дар Ҳисор мусобиқаи бузкашӣ баргузор мешавад
ДУШАНБЕ, 03.11.2017 /АМИТ «Ховар»/. Бахшида ба Рӯзи Конститутсияи Ҷумҳурии Тоҷикистон рӯзҳои 4-5 ноябр дар ноҳияи Ҳисор байни дастаҳои мунтахаби шаҳру ноҳия ва вилоятҳо мусобиқаи кок-бору (бузкашӣ) баргузор мешавад.
Тавре аз Федератсияи ҷумҳуриявии пойгаи равон ва бузкашии Ҷумҳурии Тоҷикистон хабар доданд, мусобиқа аз соати 08:00 то соати 17:00 давом намуда, дар он иштироки дастаҳои мунтахаби шаҳрҳои Ҳисор, Турсунзода, ноҳияҳои Рӯдакӣ, Варзоб, Данғара, Ёвон ва вилоятҳои Суғду Хатлон дар назар дошта шудааст.
Мусобиқаи кок-бору бо мақсади рушди соҳаи варзиш, тарғибу ташвиқи тарзи ҳаёти солим ва солимгардонии ҷомеа бо дастгирии Мақомоти иҷроияи ҳокимияти давлатии шаҳри Душанбе ва ноҳияи Ҳисор доир карда мешавад.
Мавриди зикр аст, ки мусобиқа бо ширкати аспҳои зоти тоҷикӣ, англисӣ, ахалтекинӣ ва дигар зотҳо роҳандозӣ гардида, хоҳишмандон метавонанд иштирок намоянд.
Ғолибонро ҷоиза ва мукофотҳои қиматбаҳо интизор аст.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
