Бахшида ба Соли ҷавонон сомонаи «Созандагони Ватан» фаъол гардид
ДУШАНБЕ, 08.11.2017 /АМИТ «Ховар»/. Бахшида ба Соли ҷавонон Ташкилоти ҷамъиятии ҷавонон «Созандагони Ватан» имрӯз сомонаи расмии худро таҳти рамзи www.sozandagon.tj фаъол намуд.
Сомонаи мазкур барои доираи васеи сокинон, махсусан қишри ҷавони ҷомеа равона гардидааст. Дар ин бора аз ташкилоти мазкур ба АМИТ «Ховар» хабар доданд.
Дар сомона иттилоот дар бораи ҳаёту фаъолият ва ташаббусу иқдомҳои ҷавонон нашр шуда, ҳамзамон хонанда метавонад аз он доир ба таърих, Оиннома, барномаҳо ва дигар самтҳои фаъолияти ТҶҶ «Созандагони Ватан» маълумот гирифта, аз сиёсати созандаи Президенти Ҷумҳурии Тоҷикистон дар самти кор бо ҷавонон огоҳии бештар пайдо намояд.
Мавриди зикр аст, ки фаъол шудани сомонаи ТҶҶ «Созандагони Ватан» ба 25-солагии Иҷлосияи 16-уми Шӯрои Олии Ҷумҳурии Тоҷикистон рост омад. Воқеан барои ҷавонони кишвар, махсусан аъзои ТҶҶ «Созандагони Ватан» Иҷлосияи 16-уми Шӯрои Олии Ҷумҳурии Тоҷикистон рамзи роҳ ёфтан аз торикӣ ба рӯшноӣ ва нишони хушрӯзиву саодат мебошад. Зеро маҳз дар ҳамин иҷлосия тақдири ояндаи миллат, яъне ояндаи ҷавонони кишвар ба таври мусбат ҳал гардид. Барои миллат сарнавиштсоз будани иҷлосияи мазкур дар он ифода меёбад, ки зимни он дар шахси Эмомалӣ Раҳмон пешвои воқеӣ ва сарсупурдаи миллат ба майдони сиёсат омад ва давлатро аз нестиву миллатро аз парокандагӣ наҷот дод. Ҷавонон имрӯз бо Пешвои муаззами худ мефахранд.
Ёдовар мешавем, ки ташкил ёфтани қаноти ҷавонони ҲХДТ бо номи ТҶҶ «Созандагони Ватан» дар соли 2011, ҳамзамон Соли ҷавонон эълон шудани соли 2017 маҳз идея ва ташаббуси Асосгузори сулҳу ваҳдати миллӣ, Пешвои миллат муҳтарам Эмомалӣ Раҳмон буда, ҷавонони кишвар пайваста аз дастгириҳои роҳбарияти давлату ҳукумат бархурдоранд.
Зимнан аз ҷавонони саодатманду созандаи кишвар даъват ба амал оварда мешавад, ки бо сомонаи www.sozandagon.tj бо истифода аз иттилооте, ки дар бахши тамоси сомона мавҷуд аст, ҳамкорӣ ба роҳ монда, ҷиҳати амалӣ намудани ҳадафҳои созандаи Ҳизби Халқии Демократии Тоҷикистон ва ТҶҶ «Созандагони Ватан» саҳми арзанда гузоранд.
НИШОНИ ҶАВОНМАРДӢ. Дар ҳошияи асари сиёсатшинос, сиёсатмадор, олим ва адиби нуктасанҷ Саймумин Ятимов
Дар Донишгоҳи давлатии молия ва иқтисоди Тоҷикистон оид ба татбиқи технологияҳои рақамӣ дар низоми логистикӣ машварат доир гардид
Имрӯз дар Тоҷикистон борони кӯтоҳмуддат меборад
Дар Данғара даври ноҳиявии Озмуни ҷумҳуриявии ҳарбӣ- варзишии «Ватанпарвар» доир гардид
«Одамон. Идеяҳо. Ҳаракат». Дар Душанбе нахустин форуми таҷрибаҳои идоракунӣ баргузор шуд
Имрӯз дар Тоҷикистон ҳавои тағйирёбандаи бебориш дар назар аст
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
