Бонуи тоҷикистонӣ дар озмуни байналмилалии зебоии «Мисс Азия 2017» мақоми аввал касб кард
ДУШАНБЕ, 25.11.2017 /АМИТ «Ховар»/ Дар шаҳри Кочини (иёлати Кералаи) Ҳиндустон бахши ниҳоии озмуни байналмилалии зебоӣ таҳти унвони «Мисс Азия 2017» баргузор гардид, ки дар он намояндагони 40 кишвари дунё ширкат варзиданд.
Дар озмун Тоҷикистонро Моҳинур Замирова, хатмкардаи риштаи муносибатҳои байналмилалии Донишгоҳи миллии Қазоқистон ба номи Ал-Форобӣ намояндагӣ намуд.
Бузургтарин озмуни байналмилалии зебоӣ «Мисс Азия-2017» ғолибони давраҳои интихобии минтақаҳои мухталифи дунёро гирди ҳам оварда буд.
Моҳинур Замирова дар ин озмун мақоми аввал касб карда, соҳиби дипломи бахшҳои «Хонуми мавриди таваҷҷуҳи бинандагон» ва «Хонум бо мӯйҳои зебо» гардид.
Дар бахши «Хонуми мавриди таваҷҷуҳи бинандагон» Моҳинур шумораи зиёди овозҳоро соҳиб шуд. Маълум гардид, ки 50 ҳазору 967 бинанда аз тамоми дунё ба ҷонибдории ӯ раъй додаанд. Дар ин замина, ӯ сарвари бахши мазкур маҳсуб ёфта, аз рақибони асосии худ- Чин ва Ҳиндустон пеш гузашт.
Тавре дар тамоси телефонӣ бо хабарнигори АМИТ «Ховар» худи Моҳинур Замирова иброз дошт, ин ғалаба мояи ифтихори ӯст, зеро ӯ аз тоҷикону Тоҷикистон намояндагӣ кардааст.
«Ғалабаи худро ба Рӯзи Парчами давлатии кишвари зебоям-Тоҷикистон ҳадя месозам», -мегӯяд Моҳинури зебо.
Лозим ба ёдоварист, ки Моҳинур ҳамчунин барандаи Тоҷи ин озмун ва сертификати унвони расмии «Мисс Азия Таджикистан-2017» гардидааст.
Раиси вилояти Хатлон дар Қазоқистон бо ҳамватанон ва соҳибкорони тоҷик вохӯрӣ намуд
Дар марказҳои таълимии шаҳри Кӯлоб аз рӯи 52 касбу ихтисос мутахассис омода карда мешавад
Имрӯз дар шаҳри Душанбе ҳаво то 33 дараҷа гарм мешавад
Дар Коллеҷи омори шаҳри Ваҳдат ба муносибати қабули ташаббуси навбатии ҷаҳонии Тоҷикистон ҳамоиши илмӣ баргузор шуд
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
