Дар Бозори хайрияи кишварҳои Осиё дар Қоҳира гӯшаи Тоҷикистон ташкил карда шуд
ДУШАНБЕ, 13.11.2017 /АМИТ «Ховар»/. 11 ноябри 2017 Сафорати Тоҷикистон дар Миср дар Бозори хайрияи солонаи кишварҳои Осиё, ки онро Анҷумани ҳамсарони сафирони кишварҳои осиёӣ дар яке аз меҳмонхонаҳои Қоҳира дар соҳили Нил баргузор намуд, иштирок кард. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Бозори хайрия дар ҳузури ҳамсари Вазири корҳои хориҷии Миср хонум Сузӣ Шукрӣ расман ифтитоҳ гардид.
Гӯшаи Тоҷикистонро, ки мавриди истиқболи меҳмонони сершумори мисрӣ ва хориҷӣ қарор гирифт, намунаҳои фаровардаҳои ҳунарҳои мардумӣ, аз ҷумла, зардӯзӣ, гулдӯзӣ, сӯзанӣ, гилкорӣ, зеваролоти сангӣ ва ғайра оро доданд.
Дар бозори хайрия 20 кишвари осиёӣ ширкат намуда, даромади бозор ба ҳадафҳои хайрия сарф хоҳад шуд.
Фаъолияти бозори хайрияи Осиёро расонаҳои кишвари маҳалли иқомат ба таври густурда бозтоб намуданд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
