Дар Душанбе меҳмонхонаи «Варзиш» мавриди баҳрабардорӣ қарор гирифт
ДУШАНБЕ, 8.10.2017 /АМИТ «Ховар»/. Имрӯз бо дастгирии мақомоти иҷроияи ҳокимияти давлатии шаҳри Душанбе, Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва шарикони рушд меҳмонхонаи «Варзиш» дар пойтахт баъд аз таъмиру таҷдид аз нав ба фаъолият оғоз намуд.
Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода зикр кард, ки меҳмонхонаи «Варзиш» макони буду боши варзишгарон дар вақтҳои омодагӣ ба мусобиқаҳои байналмилалӣ ва дохилӣ интихоб гардида, барои фароҳам овардани шароити беҳтар аз нав таъмиру бозсозӣ гардид.
Ба гуфтаи раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, меҳмонхонаи «Варзиш» то лаҳзаи таъмир дорои 30 ҳуҷра буда, дар як вақт 160 нафар варзишгаронро қабул менамуд. Баъд аз таъмири пурраи бино 36 ҳуҷра бо тамоми шароити буду бош муҷаҳҳаз гардида, бо маблағи 480 ҳазор сомонӣ барои 200 нафар варзишгарон ҷои хоб муҳайё гардид.
«Соҳаи варзиш дар кӯтоҳтарин муддати даврони истиқлолият дар натиҷаи заҳматҳои ҳамешагии Президенти Ҷумҳурии Тоҷикистон муҳтарам Эмомалӣ Раҳмон рушд намуда, имрӯз зиёда аз ҳаштуним ҳазор иншооти варзишӣ дар ихтиёри варзишгарон қарор доранд. Танҳо дар соли равон бахшида ба Соли ҷавонон дар пойтахти кишвар зиёда аз 80 иншооти варзишӣ ба истифода дода шуд. Дар назар аст, ки соли оянда дар шаҳри Душанбе 100 иншооти дигар мавриди баҳрабардорӣ қарор дода шаванд»,- баён дошт Аҳтам Абдуллозода.
Ба гуфтаи Мураббии шоистаи Ҷумҳурии Тоҷикистон Саидаҳмад Баҳриддинов, меҳмонхонаи мазкур барои варзишгарон макони муқаддас маҳсуб шуда, ҷоизадорони бозиҳои олимпӣ, хусусан Саидмуъмин Раҳимов, Зебунисо Рустамова, Андрей Абдувалиев, Расул Боқиев, Дилшод Назаров ва дигарон маҳз дар ҳамин макон зиндагӣ ва тамрин намуда, Ҷумҳурии Тоҷикистонро дар арсаи байналмилалӣ муаррифӣ намудаанд.
«Имрӯз меҳмонхонаи «Варзиш» ба меҳмонхонаи ҷавобгӯй ба талаботи меъёрҳои байналмилалӣ табдил гаштааст. Ин дастгирии Ҳукумат кормандони соҳаи варзишро бори дигар водор менамояд, ки варзишгарони беҳтаринро тарбия намуда, парчами Ҷумҳурии Тоҷикистонро дар арсаи ҷаҳон боло бардоранд»,-иброз дошт Саидаҳмад Баҳриддинов.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
