Дар Парлумони Озарбойҷон Рӯзи Президенти Ҷумҳурии Тоҷикистон ва 25-солагии Иҷлосияи XVI таҷлил мегардад
ДУШАНБЕ, 09.11.2017 /АМИТ «Ховар»/. 10 ноябри соли равон бо ташаббуси Cафорати Ҷумҳурии Тоҷикистон дар Ҷумҳурии Озарбойҷон дар Парлумони Ҷумҳурии Озарбойҷон Рӯзи Президенти Ҷумҳурии Тоҷикистон ва 25-солагии Иҷлосияи XVI Шӯрои Олии Ҷумҳурии Тоҷикистон таҷлил карда мешаванд.
Тавре ба АМИТ «Ховар» котиби матбуоти Маҷлиси намояндагони Маҷлиси Олии Ҷумҳурии Тоҷикистон Муҳаммадато Султонов иттилоъ дод, дар робита ба ин субҳи имрӯз муовини Раиси Маҷлиси намояндагони Маҷлиси Олии Ҷумҳурии Тоҷикистон Акрамшо Фелалиев ба шаҳри Боку парвоз намуд.
Ба иттилои манбаъ, дар чорабинии сатҳи байналмилалӣ суханронии роҳбарияти Парлумони Озарбойҷон, раиси Кумита оид ба умури байналхалқӣ ва байнипарлумонии Маҷлиси Миллии Ҷумҳурии Озарбойҷон Самед Саидов, раиси гурӯҳи дӯстии байнипарлумонии Озарбойҷону Тоҷикистон Айдон Мирзозода дар назар дошта шудааст.
Интизор меравад, ки дар доираи чорабинӣ Сафорати Ҷумҳурии Тоҷикистон дар Ҷумҳурии Озарбойҷон намоиши китобҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, намоиши аксҳо бахшида ба таърихи Иҷлосияи XVI Шӯрои Олии Ҷумҳурии Тоҷикистон ва дастовардҳои Ҷумҳурии Тоҷикистон дар давраи истиқлолиятро ташкил намояд.
Сокинони минтақаи Рашт ба зарардидагони офати табиии шаҳри Кулоб кумак расониданд
МегаФон Тоҷикистон: боз панҷ «Устоди алоқа»!
Доир ба нақши Президенти Тоҷикистон дар рушди забони давлатӣ силсилавохӯриҳо баргузор мегарданд
Имрӯз дар баъзе шаҳру ноҳияҳои Тоҷикистон борон меборад
Дар Балҷувон иқдоми «300 рӯзи ободонӣ» эълон гардидааст
Дар ноҳияи Ҷалолиддини Балхӣ нақшаи истеҳсоли пилла барзиёд иҷро гардид
Имрӯз дар баъзе ноҳияҳои Тоҷикистон борони бошиддат меборад
«МАЛАКАҲОИ КАСБӢ». Дар Душанбе даври дуюми ин фестивали ҷумҳуриявӣ доир шуд
Ҳифзи Ватан дар ҳар давру замон вазифаи муқаддас ва пуршараф ба ҳисоб меравад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар Суғд масъалаи содироти маҳсулоти Тоҷикистон ба Озарбойҷон баррасӣ шуд
