Дар шаҳри Хоруғ бахшида ба Рӯзи Парчами давлатӣ роҳпаймоӣ баргузор гардид
ХОРУҒ, 24.11.2017 /АМИТ «Ховар»/. Дар маркази Вилояти Мухтори Кӯҳистони Бадахшон Рӯзи Парчами давлатии Ҷумҳурии Тоҷикистонро бо роҳпаймоӣ истиқбол гирифтанд. Субҳи 24 ноябр наздик ба ду ҳазор нафар сокинони шаҳр, бо шумули кормандони идораву муассисаҳо, собиқадорони меҳнат ва хонандагону донишҷӯён аз назди Муассисаи давлатии Мактаби президентӣ то майдони ба номи Исмоили Сомонӣ, ки масофаи он се километрро дар бар мегирад, бо парчамҳои хурду бузург, аксҳои Пешвои миллат ва Қаҳрамонони миллат роҳ паймуданд.
Дар пояи парчами давлатӣ ҳамоиши идона бургузор шуд. Нотиқон оид ба нақши парчами давлатӣ дар таҳкими давлатдории тоҷикон, тарбияи насли наврас дар рӯҳияи хештаншиносӣ ва ифтихор аз арзишҳои миллати куҳанбунёд суханронӣ намуданд. Бо ширкати беҳтарин ҳунармандони вилоят консерти бошукӯҳ баргузор гардид.
Тантанаҳои идона пас аз нисфирӯзӣ дар толори калони мақомоти маҳаллии ҳокимияти давлатии шаҳри Хоруғ идома ёфтанд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
