Дар Женева ҳунару хӯрокҳои миллӣ ва имкониятҳои сайёҳии Тоҷикистон муаррифӣ гардид
ДУШАНБЕ, 22.11.2017 /АМИТ «Ховар»/. 21 ноябри соли 2017 дар қароргоҳи СММ дар шаҳри Женева ҷамъомади ҳарсолаи хайриявӣ — «Бозори СММ» барпо гардид. Намояндагии доимии Тоҷикистон ҳам дар баробари дигар намояндагиҳои дипломатии кишварҳои ҷаҳон дар назди СММ дар ҷамъомади мазкур фаъолона иштирок намуд.
Тавре аз Вазорати корҳои хориҷии Ҷумҳурии Тоҷикистон хабар доданд, ба меҳмонон намунаҳои ҳунари миллии Тоҷикистон, хӯроки миллӣ, инчунин маълумот дар бораи имкониятҳои сайёҳии кишвар пешниҳод гардид.
Бояд зикр намуд, ки лавҳаи Тоҷикистон дар ин ҷамъомад таҳти унвони «Соли 2017 — соли ҷавонон дар Ҷумҳурии Тоҷикистон» муаррифӣ гардида, ба иштироккунандагон оид ба аҳамияти ин ташаббуси Президенти кишварамон маълумот дода шуд.
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
