Масрур Абдуллозода: «Профессор Воҳид Асрориро метавон аз поягузорони илми журналистӣ номид»
ДУШАНБЕ, 03.11.2017 /АМИТ «Ховар»/. Воҳид Асрорӣ ба хидматҳои мондагори адибону донишмандони тоҷик Садриддин Айнӣ, Абулқосим Лоҳутӣ, Мирзо Турсунзода ва Сотим Улуғзода дар гуфтору навиштори худ арҷ мегузошт ва худро хушбахт меҳисобид, ки аз файзи суҳбати онҳо баҳра бардоштааст. Ин нукта имрӯз, 3 ноябр дар Конфронси ҷумҳуриявии илмию амалии «Воҳид Асрорӣ ва масъалаҳои филологияву журналистикаи тоҷик» ба муносибати 100-солагии профессор Воҳид Асрорӣ дар бинои марказии Донишгоҳи миллии Тоҷикистон баён гардид.
Тавре мухбири АМИТ «Ховар» иттилоъ медиҳад, конфронси мазкурро муовини ректори Донишгоҳи миллии Тоҷикистон, профессор Сафармамад Сафармамадов оғоз намуд. Сипас мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода сухан гуфт.
«Бешак, устод Воҳид Асрорӣ дар таърихи илми филологияи тоҷик дар самтҳои адабиётшиносӣ, фолклор ва журрналистикаву публитсистика нақши беандоза дорад. Агар рӯзгори мавсуфро варақгардон кунем, мебинем, ки ӯ тамоми умри худро ба рушду нумӯи илми педагогика ва адабиёт бахшидааст. Воҳид Асрорӣ донишманди хеле фарохназар буд. Инро фаъолияти илмии бисёрсамтаи ӯ нишон медиҳад, ки дар асарҳои сершумораш фароҳам омадаанд»,-иброз намуд Масрур Абдуллозода.
Дар конфронс олимону муҳаққиқон, ҳамкорон ва шогирдони профессор Воҳид Асрорӣ, аз ҷумла, академикон Носирҷон Салимӣ ва Кароматулло Олимов, профессор Абусаттор Нуралиев, дотсент Муртазо Зайниддинов, шоир Ато Мирхоҷа ва дигарон ба донишҷӯён хотироти худро аз ҳаёту фаъолияти мавсуф нақл карданд.
Зикр шуд, ки профессор Воҳид Асрорӣ то охири умр аз ҷараёни зиндаи адабӣ stop-ed-info.com, бо сухану навиштаҳояш пайваста дар баҳсҳои илмӣ ширкат меварзид.
Ёдовар мешавем, ки қисми дуюми Конфронси ҷумҳуриявии илмию амалии «Воҳид Асрорӣ ва масъалаҳои филологияву журналистикаи тоҷик» дар факултаҳои журналистикаю филологияи ДМТ (дар шаҳраки донишҷӯён) идома дорад ва дар он зиёда аз 30 нафар олимону донишмандон оид ба самтҳои гуногуни фаъолияти профессор Воҳид Асрорӣ маърӯза мекунанд.
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон ҳавои тағйирёбандаи бебориш пешгӯӣ мешавад
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
