Муҳаммад Талҳа Маҳмуд: «Мардуми Покистон ба санъат ва фарҳанги Тоҷикистон таваҷҷуҳи хосса доранд»
ДУШАНБЕ, 28.11.2017. /АМИТ «Ховар»/. Мардуми Покистон нисбат ба санъат ва фарҳанги Тоҷикистон таваҷҷуҳи хосса доранд, ҳамчуноне ки шоири миллии Покистон Аллома Иқбол дар Тоҷикистон хеле машҳур аст. Ин нукта дар мулоқоти Вазири фарҳанги Ҷумҳурии Тоҷикистон Шамсиддин Орумбекзода бо Раиси кумита оид ба сохторҳои давлатии Сенати Покистон Муҳаммад Талҳа Маҳмуд иброз гардид.
Тавре ба мухбири АМИТ «Ховар» аз маркази матбуоти Вазорати фарҳанги Ҷумҳурии Тоҷикистон иттилоъ доданд, мулоқоти мазкур 27 ноябр доир гардида, меҳмонон бо самтҳои асосии фаъолияти Вазорати фарҳанги ҷумҳурӣ шинос гардиданд.
Муҳаммад Талҳа Маҳмуд ҳамчунин доир ба муносибатҳои дӯстонаи Покистону Тоҷикистон ҳарф зада, пешниҳод кард, ки дар Китобхонаи миллии Покистон дар қатори гӯшаи дигар кишварҳо гӯшаи фарҳангии Тоҷикистон низ бунёд гардад. «Ба ин восита фарҳанги Тоҷикистон на танҳо ба мардуми Покистон, балки ба мардуми кишварҳои дигар, ки аз Китобхона дидан мекунанд, муаррифӣ мегардад», — иброз дошт Муҳаммад Талҳа Маҳмуд.
Мавсуф ҳамчунин таклиф намуд, ки дар шабакаҳои телевизионии Покистон намоиши филмҳои тоҷикӣ бо тарҷума ба забони урду ба роҳ монда шавад.
Вазири фарҳанги Ҷумҳурии Тоҷикистон Шамсиддин Орумбекзода оид ба муносибатҳои муштараки байни ду кишвар сухан гуфта, иброз дошт, ки имрӯз барои рушди бештари ин ҳамкорӣ фазои мусоид фароҳам омадааст.
Имрӯз дар шаҳри Душанбе ҳаво то 26 дараҷа гарм мешавад
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
