Симпозиуми байналмилалӣ дар Донишгоҳи тиббӣ: ортодонтҳо аз хориҷи кишвар баҳри табодули таҷриба ба Тоҷикистон омадаанд
ДУШАНБЕ, 24.11.2017 /АМИТ «Ховар»/. Дирӯз дар Донишгоҳи давлатии тиббии Тоҷикистон ба номи Абӯалӣ ибни Сино Симпозиуми байналмилалии илмӣ таҳти унвони «Масъалаҳои мубрами аномалия ва деформатсияҳои системаи ҷоғу дандонҳо дар беморони дорои роғи модарзодии лаб ва ком. Муолиҷаи комплексӣ ва байнитахассусии онҳо» баргузор гардид.
Дар конфронс ректори ДДТТ ба номи Абӯалӣ ибни Сино Маҳмадшоҳ Гулзода, професорону омӯзгорони Донишгоҳи тиббӣ ва олимону мутахассисон аз Германия, Россия, Британияи Кабир ва Афғонистон иштирок намуданд.
Тавре Маҳмадшоҳ Гулзода зикр намуд, ҳамоиши имрӯзаи меҳмонон бо мақсади ҳамкорӣ дар соҳаи таълим, рушди илм, муолиҷаи беморон ва ташкили симпозиуму семинарҳо, таъминот бо маводи таълимӣ ва мубодилаи академии донишҷӯёну омӯзгорон сурат гирифтааст.
Ҳамчунин дар симпозиум зикр гардид, ки Тоҷикистон ба ортодонтҳо (мутахассис оид ба ислоҳи дандонҳо ва хобиши он) ниёз дорад ва имрӯз беҳтарин ортодонтҳо аз хориҷи кишвар баҳри табодули таҷриба ҷамъ омадаанд.
Бояд зикр намуд, ки симпозиуми мазкур бахшида ба Конфронси 65-уми ДДТТ таҳти унвони «Тадқиқоти фундаметалӣ ва амалӣ дар ҷаҳони муосир», ки имрӯз дар Душанбе оғоз ёфт, баргузор гардид.
Имрӯз дар Тоҷикистон чангу ғубор ба амал меояд
Имрӯз дар Маркази миллии тестӣ ва Донишкадаи давлатии санъати тасвирӣ ва дизайн нишасти матбуотӣ доир мегардад
«Қиссаҳои Шераки Ориён» аз чоп баромад
Дар Вена масоили густариши ҳамкории Тоҷикистон бо Агентии Австрия оид ба рушд баррасӣ шуд
Имрӯз дар водиҳои Тоҷикистон ҳаво то 35 дараҷа гарм мешавад
Дар шаҳри Душанбе ҳашари экологии «Тозагии маҳал» гузаронида шуд
Дар Остона ҷаласаи намояндагони аршади Саммити Осиёи Марказӣ-Ҷумҳурии Корея баргузор гардид
Имрӯз дар шаҳри Душанбе ҳаво то 39 дараҷа гарм мешавад
Имрӯз дар доманакӯҳҳои Тоҷикистон ҳаво то 37 дараҷа гарм мешавад
