«Сомон Эйр» дар самти Душанбе-Сеул-Душанбе бори нахуст парвоз анҷом дод
ДУШАНБЕ, 04.11.2017 /АМИТ «Ховар»/. Мутобиқ бо созишномаи роҳбарияти Ҳукумати Ҷумҳурии Тоҷикистон ва Ҷумҳурии Корея, бо мақсади рушду равнақ бахшидан ба ҳамкории мутақобилан судманди дуҷониба миёни давлатҳо дар соҳаи ҳамлу нақли ҳавоӣ ширкати ҳавопаймоии «Сомон Эйр» дар самти Душанбе-Сеул-Душанбе бори нахуст парвози техникӣ анҷом дод.
Таре аз маркази матбуоти ширкати ҳавопаймоии «Сомон Эйр» хабар доданд, кушодани хатсайри нав на танҳо Ҷумҳурии Тоҷикистон ва Ҷумҳурии Кореяро муттаҳид мекунад, балки муносибати сайёҳиро байни кишварҳо ба танзим медарорад.
Инчунин зикр шуд, ки 1 ноябр намояндагони Ҷумҳурии Тоҷикистон дар музокироти роҳбарони ширкатҳои сайёҳии машҳури Ҷумҳурии Корея иштирок намуда, оид ба ҳамкории сеҷониба дар соҳаи туризм аз рӯйи самти Душанбе-Сеул Ёддошти тафоҳум ба имзо расонданд. Дар кори Форуми «Имкониятҳои сайёҳии Тоҷикистон», ки аз ҷониби Сафорати Ҷумҳурии Тоҷикистон дар Ҷумҳурии Корея бо дастгирии ширкати ҳавопаймоии «Сомон Эйр» доир шуд, иштирок намуда, инчунин бо намояндагони Вазорати замин, инфрасохтор ва нақлиёти Ҷумҳурии Корея, ҳайати роҳбарикунандаи ширкатҳои ҳавопаймоии «Korean Air» ва «Asiana Airlines» вохӯрӣ гузаронданд. Ҷонибҳо зарурати идома додани музокиротро дар масъалаи кушодани хатсайри мунтазам дар самти Душанбе-Сеул-Душанбе таъкид намуда, масъалаи ба имзо расонидани код-шеринг ва созишномаи интерлайнро мавриди баррасӣ қарор доданд.
Бояд гуфт, ки дар айни замон ширкати ҳавопаймоии «Сомон Эйр» узви Ассотсиатсияи байналмилалии нақлиёти ҳавоӣ буда, парвозҳоро аз Тоҷикистон ба самтҳои Германия, АМА, Туркия, Чин, Россия ва Қазоқистон тариқи ҳавопаймоҳои Боинг 737-300, -800 ва -900 иҷро менамояд.
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
